مصطلحات الهاردات

مصطلحات الهاردات

مصطلحات الهاردات


 . ها نتكلم عن بعض  من مصطلحات الهاردات بتسمعها لما بتحصل اى مشكله فى الهارد ديسك او اى وسيط تخزين . بنسمعها بالأخص من الفنيين تعالى نفهم معانيها مع بعض عشان لما نسمعها نفهم المعنى المقصود

1- بادات

 .المصطلح اللى يطلق على bad sectors   أو المناطق التالفة اللى بتحصل للهاردات  وهى اماكن فى الهارد ما بتقدرش تقرا منها أو تكتب عليها. بسبب كتر التشغيل

أو قطع الكهرباء عن الجهاز وهو شغال . أو تحريك اللابتوب وهو شغال.. الخ

فيها منها ما له علاج وفيه لا

2- ميديا :

ده مصطلح  فضفاض كده وغير دقيق . عامل  زى بطني بتوجعنى . كل الكتلة الحديد اللى فى فى الهارد بيقال عليها ميديا .

واكتر مصطلح  من مصطلحات الهاردات يكرهه الفنيين  .

لأنه ببساطه ما بيوضحش اى حاجه عن  مشكله الهارد الحقيقية .

عندى عندك اى مشكله تتعلق بأقراص الهارد platters  وخلاص .

3- هدود

مصطلح شائع من مصطلحات الهاردات لما الهارد يعمل صوت كليك .بيقال انه هدود .

اللى هيه المسئولة عن إنها تقرا وتكتب الملفات فى الهارد ديسك . غالبا لكن  مش دائما بيكون صوت الكلكيك من الهدود

4- بورده

يقصد بها ال board  الالكترونية اللي بيتوصل فيها كيبل الكهربا والداتا للهارد . أحيانا تتلف البورده وغالبا بسبب عدم استقرار الكهرباء الداخلة للهارد

5- فيرم وير

ال firmware  هو عباره عن سوفت وير يعتبر ببساطه نظام التشغيل الخاص بالهارد ديسك .

بيكون فى منطقه فى الهارد ديسك المستخدم ما بيوصلهاش اسمها Service Area

. بعيده عن مساحه التخزين العادية اللي انت بتستخدمها . عشان كده انت بتلاقي المساحة المستخدمة فى الهارد ال 2 تيرا عبارة عن 1.8 .

منطقه ال firmware    بيحصل فيها مشاكل . بالأخص في  السيجيت . بتخليك مش قادر تشوف اى داتا . ولا الهارد بيقرا أصلا رغم انه صوته طبيعي

6- هارد 3.5

ده المصطلح او التسميه الشائعه مصطلحات الهاردات  اللى يستخدم في أجهزه ال pc  العادية . بنقول عليه 3.5 عشان عرض الهارد 3.5 بوصه

7- هارد 2.5

الهاردات اللى بتبقى في اللاب توب والهاردات المحمولة  بتقول عليه 2.5 عشان عرض الهارد 2.5 بوصه

دى كانت مجموعه من مصطلحات الهاردات

للمزيد عن انواع الهاردات من هنا

تابعو المزيد على صفحتنا على google +

من هنا



Your email address will not be published. Required fields are marked *

أسالنا