الفرق بين تسجيل الملفات على الهارد . وألوانها
شركه ويسترن بتنتج 6 عائلات من الهاردات .دى انواع الهاردات الويسترن حتى اليوم ب 6 الوان مختلفه .ده بخلاف الهاردات المحموله. تعالى نشوفهم مع بعض عشان نقرر هانستخدم ايه ؟
1- الأخضر Green
منه نوعين الأخضر الصريح كل الاستيكر اخضر أو green power . يبقى الاستيكر ابيض وفيه جزء اخضر من تحت .
الاستخدام
يستخدم كمساحه تخزينه فقط ولا يفضل كهارد اساسى او حامل لنظام التشغبل
المواصفات
صوته ناعم جدا . المفروض مستقر كهربيا .اقل الأنواع في الأداء . أنا شخصيا ما بحبوش . والحمد لله ما بقتش ويسترن تنتجه
2- الأزرق Blue
أكثر أنواع الهاردات الويسترن انتشارا .
الاستخدام
يفضل للكمبيوتر الشخصي كتخزين وكنظام تشغيل وهو الاكثر اعتماديه وانتشارا
المواصفات
أداء كويس . صوته مش عالي . ما بيسخنش . سعره مناسب . درجه تحمل معقولة
3- الأسود Black
الكعب العالي فى الأجهزة الشخصية . النوع ده من الأغلى فى الاستخدام الشخصى
الاستخدام
للأجهزة الشخصية عاليه الأداء و ال work stations .
المواصفات
هو الأفضل أداء وسرعه . الأعلى cache memory . . بس صوته اعلي شويه ويسخن
4- الأحمر Red
النوع ده بيجى نوعين . Red و Red Pro وده مصمم للستورج . اللى هى وحدات التخزين . هو اسمه NAS storage .
الاستخدام
في وحدات التخزين الخاصة بالشبكات
المواصفات
لأنه كأداء أفضل في القراءة منه في الكتابة . عشان في الشبكات ممكن اكتر من مستخدم يقرا الملف الواحد
5- الموف Purple
النوع ده من انواع الهاردات الويسترن . اللى بيستخدم فى اجهزه الدى فى ار الكاميرات
الاستخدام
في أجهزة تسجيل الكاميرات DVR
المواصفات
لأنه ببساطه عكس الأحمر . اداء الكتابة فيه افصل من اداء القراءة . وهو المفروض يسجل طول الوقت 24/7 يعنى يكتب طول الوقت .
6- الذهبي Gold
من الاسم يعنى . الأغلى.الأكفأ .ما جربتوش شخصيا . قدرات تحمل وأداء عجيبة كده
الاستخدام
فى Datacenter
*************************************************************************************************
السؤال الآن اشترى اى نوع انواع الهاردات الويسترن ؟
النوع الانسب من انواع الهاردات الويسترن هو المناسب لاستخدامك، وما لكش دعوه بان الأحمر اغلي ولا إن الموف شكله حلو .
فلو كمبيوتر أو لاب توب يبقى تجيب الأزرق . أو الأسود
كاميرات مراقبه يبقى تجيب البنفسجي . ستورج يبقى الأحمر . معاك فلوس كتير يبقى الذهبي .
تقدر تعرف اكتر عن هاردات ويسترن من هنا
للمزيد عن الهاردات المحموله من ويسترن
اسئله بنسمعها كتير بعد “عايز استعادة البيانات”
