عشان تحافظ على الهارد ديسك

عشان تحافظ على الهارد ديسك

عشان تحافظ على الهارد ديسك


عشان تحافظ على الهارد ديسك ويعيش فتره أطول

10 نصائح عشان  تحافظ على الهارد ديسك من واقع اللى بنشوفه كل يوم. من مشاكل العملاء  فى الهاردات بتؤدى بالتأكيد لفقد الداتا او البيانات

1 اختار الهارد :-

لازم تختار المناسب لاحتجاجاتك من البداية . من حيث النوع والفئة قبل ما تختار السعه . فيه هاردات مخصصه لكل استخدام .هارد ال DVR غير هارد storage .

غير الهارد اللي يشيل نظام التشغيل . وخد بالك وانت بتشترى انه فيها هاردات معاد تصنيعها

2 الثبات :-

الهارد مش الفروض يتحرك ابدا وهو شغال .ايا كان نوعه . لازم يتثبت كويس بوضع أفقي أو عمودي .

ولو فى الكيسة يرتبط كويس . بتلاقى ناس معلقه الهارد في الكابلات زى ما فى الصوره.

في اللاب توب حاول ما تكونش فاتح اللاب وبتتحرك بيه . إلا إذا كان الهارد SSD .

3 الحرارة :-

لازم التبريد الكويس أو مساحه التهوية المناسبة جوا الكيسة . اللاب توب كذلك . تهويه هارد اللاب من تحت .

فما تحطوش مثلا على سرير مثلا لفترة طويلة عشان تحافظ على الهارد ديسك

4 التنظيف :-

التراب مع الرطوبة بيعملوا حاجات عجيبة لدرجه ممكن تتلف الهارد . استخدمblower كل فتره

5 الكبلات :-

بالأخص كابل البور . كل لما يبقى مش ثابت تماما ده غلط على الهارد . عشان كده بنقول دائما إن حضرتك تشترى بور سبلاى كويس .

هو ده الجندي المجهول في الجهاز . كذلك كابل USB للهاردات المحمولة . ما تفرحش بالكيبل الطويل .استخدم كيبل زى اللي جاى معاه .لو اللى جاى معاه تلف

6 تقسيم الهارد :-

مهم ان ال c اللى ها يبقى فيه الويندوز تكون مساحته كافيه وبزيادة مش تعمل الc مثلا 20 جيجا ولا 30

فكل شويه تغير ويندوز . واعرف احتياجاتك لأنواع البارتشنات . اعمل المناسب لاستخدامك .

اعرف المزيد عن الفورمات المناسب من هنا

7 تنظيم الملفات :-

لو بتحط ملفات كتير وتمسح وتحط تانى .استخدم اى برامج بتعمل defrag للهارد وتعيد توزيع الملفات كل فتره .

ده بيسرع الهارد وما يجهدوش فى الشغل عشان تحافظ على الهارد ديسك . ويعيش فتره أطول

8 الكهرباء :-

احد اخطر الأعداء لما تبقى مش مستقره أو ضعيفة الخ . كذلك انك تطفي غلط الجهاز .كل ده بيعجل بنهايته

9 المجال المغناطيسي :-

الناس اللي بتحط السماعات فوت الكيسة . واللي بتحط الهاردات المحمولة جنب التلفيزيون والخ

. كل ده بيأثر على عمر الهارد الافتراضي

10 النسخ الاحتياطي :-

خد backup من الداتا المهمة باستمرار . الهارد ديسك مش مصمم يعيش للأبد

 

تابع المزيد فى صفحتا على الفيس بوك

من هنا



2 تعليقات علي ”عشان تحافظ على الهارد ديسك
  1. ايه أفضل تقسيمة لبارتيشانات الهارد يا باشمهندس؟
    هل الـ C كبريمرى بحجم كافى + واحد اخر لوجيك ؟
    ولا الأفضل اعمل اكتر من بارتيشن لوجيك اضافى؟

    قريت كلام انه ممكن البارتيشن يحصل فيه مشكلة ويطلب بتعمل له فورمات، فبلاش تحط البيض كله ف سله واحده واعمل اكتر من بارتيشن بحيث ان لو الإحتمال ده حصل تبقى ضمنت الحفاظ على جزء من البيانات ومبقتش كلها ف خطر

    ورأيى تانى بيقول انه لأ الأفضل تعمل بارتيشن واحد بخلاف السى وقسمه فولدرات من جوه زى ما انت عاوز واستفيد بالمساحه كلها مع بعضها، لإن لو قسمت الهارد اكتر من بارتيشن ممكن واحد فيهم انت مخصصه للألعاب مثلا مساحته تخلص والتانى مخلصص للأفلام ولسه فيه كتير فاضى، فتضطر تدخل جزء من الألبعاب على الأفلام، لكن لو كلهم ف بارتيشن واحد هتخزن كل اللى انت عاوزه بنفس ترتيبهم طول ما الهارد فيه مساحه كليه

    رأى حضرتك الفنى ايه؟

    • هو بقدر الامكان حاول ما تزودش فى عدد البارتشنات . يعنى ال سى مع 2 لوجيك . الموضوع تنظيمى اكتر منه فنى

Your email address will not be published. Required fields are marked *

أسالنا