الكاميرات مش  تخصصنا فمش ها نتكلم  عنها . ولا ازاى توصل نظام مراقبه كاميرات. ها نتكلم بس وحده تسجيل كاميرات المراقبه DVR  الجندى المجهول واللى المعظم بينساه .وبيهتم بالكاميرات

عندنا نقطتين . الهارد اللى جوا ال DVR . و ال DVR نفسه

1-   الهارد اللى جوا ال DVR

مهم جدا تختار نوع يدعم 24/7 . لأنه مش المفروض يتوقف عن التسجيل. زى الهارد الويسترن الموف . Western Digital PURPLE . هو متصنع لكده .

 كمان ما تجبش هارد مساحه صغيره . ولا هارد معاد تصنيعه refurbished   وبلاش يبقى هارد مستعمل. هات اقصى مساحه تتحملها ميزانيتك . عشان تضمن اكبر قدر من التسجيلات.

* تعالى بقى لنقطه مهمة تخص الهارد .

 الهارد جوا ال DVR ما بيتقسمش زى هارد الكمبيوتر fat32  او NTFS . لا . ده ليه نظم تهيئه مختلفة حسب نوع ال دى في ار  .

يعنى كل DVR بيقسم الهارد  جواه بشكل مختلف .فبقى  فيه اكتر من 50 نظام تهيئه كل نوع مختلف عن التانى .

النقطه هنا . انه الكمبيوتر او الويندوز ما بيدعمش  99% من النظم دى . فحضرتك ما ينفعش توصل هارد ال دى في ار على الكمبيوتر عشان تشوف التسجيلات .

لأن الويندوز ما بيدعموش .ف الويندوز يطلب يعمل initialize  للهارد  . فلو عملت  . التسجيلات اللى عليه ها تضيع

وكمان ما بينفعش اخد الهارد من ال DVR وأروح اركبه فى دى في ار من نوع تانى عشان اشوف الفيديوهات.

 فلو ركبته عشان تشوف التسجيلات . برضه ها تضيع التسجيلات

* فى استعاده البيانات من ال دى في ار برضه الامور مختلفة عن اى داتا عاديه

2- ال  DVR

هو  اختصار لـ Digital Video Recorder . النوع الشائع منه اللى بيشتغل لوحده . وجواه هارد ديسك . وبتتوصل فيه الكاميرات 4 او 8 او 16 الخ

اهميته انه هو اللى يسجل من الكاميرات  . وهو اللى يحدد نوع التسجيل وكفائه التسجيل. وهو اللي بيعرض اللى اتسجل .

مبدئيا المعظم بيهتم بالكاميرات وجودتها والخ . وينسى وحده التخزين باللى فيها والوحدة الخاصة بالمعالجة اللى هي  DVR . يعنى حضرتك مثلا تروح تشترى كاميرا فيها مزايا كذا وكذا. والكاميرا دى تتوصل على DVR ما بيدعمش المزايا دى . يبقى حضرتك ما استفدتش حاجه . فالموضوع مش مجرد كاميرا وبس .

تخيل كمان  انك جايب كاميرات تسجل بوضوح معين من الانواع الجديدة فى التسجيل اللى بتاخد حجم اقل وجودتها عاليه زى h264+.
h265 . h265+ . ولكن ال DVR ما بيدعمش ده . تبقى حضرتك ما استفتدش حاجه

ف لازم تجيب اللى يتناسب مع  كاميراتك

للمزيد  عن انواع الهاردات

من هنا

للمزيد عن ال  دى فى ار
من هنا