اسوأ حاجه ممكن تعملها لو عندك هارد SSD ايا كان نوعه . هى انك تحط عليه كلمه مرور للهارد من ال BIOS Setup بتاع الكمبيوتر او اللاب توب.
ليه ما تحطش كلمه مرور ل هارد SSD؟
لانه لو لا قدر الله حصل اى مشكله مثلا فى بورده اللابتوب او الجهاز بتاعك. واخدت الهارد عشان تنقل الداتا منه من جهاز تانى وانت معاك كلمه المرور.
برضه مش ها تعرف تفتح الهارد . حتى لو انت معاك كلمه المرور.
والمشكله الاكبر انه حتى الاجهزه المتخصصه ما بتعرفش تفك كلمه المرور من كل انواع ال SSD. يعنى باختصار حاجه ذى كده ممكن تخليك تفقد الداتا للابد.
المثال اللى بنوضحه النهارده.
هارد SSD راكب فى لاب ومعمول له باصوورد للهارد من على السيت اب بتاع البايوس . وقع شاى على اللاب وهو شغال وطلع شياط .
والبورده تلفت بشكل يمكن اصلاحه. لآن عشان تطلع الداتا .
ولو اخدته على جهاز تانى مش ها تشوف اى داتا ولا اى تقسيمات للهارد.
وعشان حد متخصص يقدر يوصل الداتا على هارد SSD سيناريو طويل…وتكلفه كبيره… و اجهزه خاصه… زى ما فى الفيديو. الموجود
طب انا مضطر احمى الداتا بتاعتى. اعمل ايه؟
ممكن تعمل كلمه مرور للويندوز.
ممكن تقفل البرتشن ب Bit-locker. ممكن برامج من بتاعه الباص وورد. ولكن مش كلمه مرور ل هارد SSD ابداً من ال BIOS setup بتاع الجهاز كمبيوتر كان او لابتوب
والاهم من كل ده انت دايما تاخد نسخه احتياطيه من الداتا المهمه بتاعتك . عشان لو لا قدر الله وحصل مشكله يبقى معاك نسخه
المثال الاهم هنا انك ايا ما كان نوع الهارد . فالاهم وجود نسخه احتياطيه من الملفات اللى عليه
-مش ها نستفيد حاجه لما تشترى اغلى هارد فى العالم وانت ما عندكش نسخه تانيه من محتوياته فكر انه دايما ممكن يحصل له مشكله ما
ولذلك هو ليه ضمان محدد لانه ممكن ببساطه يتلف فى اى وقت
كمان انت تقدر تشفر البرتشن نفسه باستخدام Bitlocker . وتقدر كمان تشفر فولدر بعينه باستخدان احد برامج التشفير الكثيره واللى فيها كتير مجانى
او ممكن تضغط اى ملف مهم وتعمل المف المضغوط بكلمه مرور
شوف الفيديو ده
استعاده البيانات من هارد سامسونج SSD
لمعلومات اكتر عن هارد SSD
