. الهاردات عمودما 3 عائلات اساسيه . الهاردات العاديه المتعارف عليها . والهاردات SSD    والنوع التالت هو خليط بين النوعين وتسمى الهاردات SSHD

تعالى نوضح اكتر عشان نفهم الهاردات SSHD

الهاردات العادية اللى كلنا بنستخدمها . HDD . اللي هيه أقراص وموتور . واللى أهم ميزه له انه مساحاته كبيره . فيه لغاية 14 تيرا الآن . لكن عيبه بالنسبة ل SSD انه أبطء منها .
النوع الثاني غالى اسمه SSD اللي هو مبنى على فلاشات . كل واحد من النوعين دول له مزايا وله عيوب .
.وده أهم ميزه له انه سريع . لكن مساحاته قليله اكبر مساحه له 2 تيرا

ممكن تراجع معلومات عن الهاردات العاديه  . من الرابط ده
من هنا

وممكن تراجه معلومات عن الهاردات ssd . من الرابط ده

من هنا

الآن شركات الهاردات حبت تعمل منتج وسط  . يجمع بين مزايا الهارد العادي والهارد الفلاش. بين المساحات الكبيرة وسرعه الفلاش SSD و بسعر معقول . فعملت منتج هجين اسمه SSHD والنوع ده نفسه بيسمى Hybrid يعنى هجين. وهو اختصار Solid State Hybrid Drives . الشركات اللي بتنتج النوع ده هي Western و Seagate و Toshiba .

ازاى ؟

عشان يزيدو السرعة . فحطو شيب ناند حجمه 8 جيجا فى البورده بتاعه الهارد. ولازم يحط مع شيب الناند كنترولر يتحكم فيها . كل ده فى البورده عشان يسرع الأداء .  زى ما فى الصورة . وحط في الميديا . اللى هى الأقراص مساحه محجوزة تتعامل مع شيب الناند ده  . ومع الداتا اللي ها تتحط فيها . المساحة دى في الميديا اسمها كاش  cache
سواء الناند شيب أو مساحه ال cache . بتحط فيها الداتا اللى محتاجة سرعه . زى بداية نظام التشغيل . جدول البرتشنات . بعض الحاجات الخاصة بالهارد نفسه . الخ

ايوه النوع ده سريع . أسرع من العادي بكتير . بس زى ما هو جمع مزايا ال 2 . فجمع برضه عيوب ال 2

ازاى ؟

موضوع ال cache اللى موجود على الميديا . فمع قطع الكهرباء والهانج والإغلاق الخاطئ ما بيلحقش يتفضى . فبسبب تلف الهارد . وده من أسباب كرهنا للهاردات السيجيت العادية منها أو ال Hybrid . بتكلم كفنيين لأنها تستخدم تقنيه الميديا كاش فى كل منتجاتها . بالمناسبه سيجيت اول من انتج هذا النوع من الهاردات SSHD . كمان شيب الناند لو جرى فيها حاجه من أعطال الكهربا . فمش مجرد تغيير بورده للهارد . ها يحل المشكلة للأسف لا . الخ حتى استعاده الداتا منه بتكون صعبه جدا

يعنى هو أفضل من الهارد العادي ؟

لو حضرتك مستخدم محترف وتحافظ ايون هو أفضل . لو حضرتك غاوي العاب وتغيير الداتا باستمرار ف لا

 

تعالى نشوف فنيا اكتر

 

مساحه NAND chip بتحط فيها داتا لا يملك المستخدم اى صلاحية عليها .ولا على مساحه ال Media cache

وفى الأساس بتحط فيها ملفات البوت بتاعه الويندوز .

موديولات خاصه بالهارد ديسك نفسه ومسئوله عن اداء الهارد زى smart و translator . ودى خاصه بعمل الهارد نفسه

أصعب مشاكل الهاردات SSHD لما شيب الناند نفسها فى البورده بتتلف . وساعتها ده بيبقى كابوس .

لانه لو جبت بورده زيها بالضبط مع كامل التطابق الممكن للهارد .

فبرضه الهارد ما بيشتغلش . بسبب الرابط بين شيب الناند واالمساحه اللى بيستغلها على ميديا الهارد والمسماه Cache

للمزيد عن الهاردت sshd

من هنا