Basic ولا Dynamic

Basic ولا Dynamic

Basic ولا Dynamic


لازم نعرف النوعين كويس عشان نقرر ايهم. Basic ولا Dynamic. ولازم تعرف انه النوعين هما طريقه تقسيم الهارد ل برتشنات.

النوع الاول Basic

مبدئيا النوع ده هو الاكثر شيوعا. اللى هو انت بتقسم الهارد عادى. primary للويندوز . و logical partitions للداتا.
كل اصدارات الويندوز بتدعمه. اقصد انك تنزل عليه نسخه ويندوز.

كمان يدعم كل انواع البرتشنات FAT32 و NTFSو Exfat . طريقة تخزين المعلومات الخاصة بتقسيم الهاردديسك ينفع تعملها GPT او MBR. لكن انت محدود بعدد معين من ال partitions . كمان انك تغير احجام البرتشنات فيه بيبقى بصعوبة خصوصا لو عليها داتا .

النوع الثانى Dynamic

ده بقى الجديد . بتدعمه نظم التشغيل من اول xp فأعلى . قبل كده لا وال xp نفسه ما بيدعمش كل مزاياه .
هو زى النوع الاول فى انه بيدعم كل انواع البرتشنتات FAT32 و NTFSو Exfat والخ.

كنا فى النوع الاول Basic بنقسم الهارد primary partitions و logical partitions . هنا مافيش الكلامده . هنا ما فيش partitions . فيه volumes
بيدعم انك تعمل برتشنات باحجام كبيره . وقولنا انها هنا ما اسمهاش partitions

. اسمها volumes . عادى يعنى انك تعمل volume بمساحه 5 و 6 تيرا .

بيدعم الRAID بكل انواعه . يعنى لو انت عايز تعمل كذا هارد عندك على احد نظم الRAID يبقى اختار Dynamic

يعتبر افضل من Basic فى قدره الويندوز على اصلاح مشاكل الهارد . الويندوز بيعرف يتعامل معاه اسرع .

ليك صلاحية انك تكبر وتصغر ال volume زى ما انت عايز من غير ما تفقد الداتا ومن جوه الويندوز من غير برامج حتى .تدمج برتشنات تقسم برتشنات . قصدى ال volume طبعا .
تقدر تعمل اى عدد من ال volumes بدون حد اقصى .

ما ينفعش ينزل عليه ويندوز للأسف . هو بس ينفع للهارد اللى بتعلمه مخزن

الخلاصه

 

Basic ولا Dynamic

عشان ما نتلخبطش
1 لو انت عندك هارد واحد فقط فى الكمبيوتر او فى اللاب توب انت اجبارى تبقى Basic . ما ينفعش تبقى Dynamic عشان الويندوز ما بينزلش على Dynamic

2 لو عندك هاردين فى الجهاز او اكتر . خلى اللى عليه الويندوز Basic . وخلى التانى Dynamic خصوصا لو التانى مخزن بتضيف وتحذف ملفات باستمرار . ال Dynamic مرن اكتر بكتير من ال Basic

3 والهارد Basic سهل تحوله ل Dynamic. من غير اى برامج ومن غير ما تخسر الداتا . انما وأنت Dynamic عشان ترجع Basic لازم تستخدم برنامج تحويل من برامج تقسيم الهاردات. يا اما تفرمت الهارد وتقسمه من جديد وتضيع كل اللى عليه

4 لو عندك هارد removable يعنى هارد USB فلازم يبقى Basic

5- ما تنساش تاخد نسخه احتياطية الداتا المهمة بتاعتك

 

للمزيد حول الموضوع

من هنا

للمويد حول mbr و Gpt

من هنا



Your email address will not be published. Required fields are marked *

أسالنا