هيلث الهارد

هيلث الهارد

هيلث الهارد


ازاى اعرف حاله الهارد ديسك (هيلث الهارد ) . سؤال بنسمعه كتير . هيلث الهارد  نازل . اعمل ايه ؟ وكمان اللى بيشترى جهاز او لاب مستعمل او هارد مستعمل وعشان يختبره فبيروح  يشوف الهيلث

الاول هو ايه هيلث الهارد ؟

الهارد له  نظام  تشغيل  مسؤل عن ادارته . زى ما التلفون له نظامه ( الاندرويد مثلا ) والكمبيوتر له نظامه ( الويندوز مثلا ) . فالهارد برضه له نظام تشغيله اسمه  ( الفيروم وير) firmware  .

ده بيحتاج اجهزه او برامج خاصه او ادوات خاصه عشان تعرف توصله او تتعامل معاه .وده بيتخلف من شركه لشركه .

يعنى فيرم وير السيجيت غير فيرم وير الويسترن غير فيرم وير التوشيبا . كل شركه بتعمل سيستم بمزاجها . وارخمهم طبعا السيجيت

فيه حاجه جوا الفيرم وير اسمها S.M.R.T  ودى اختصار Self-Monitoring, Analysis and Reporting Technology  لكن احنا بنقول smart  ككلمه .

لكن هيا اختصار مش ذكى .

المهم من اختصار الاسم كده الهارد المفروض انه الهارد اول ما بيشتغل بيفحص نفسه ويشوف مشاكله ويعمل تقرير. ويكمل عليه بكره وبعده وهكذا.

 التقرير ده بقى اللى حضرتك بتشوفه اما باختصار او بالتفصيل وتقول عليه هيلث الهارد

فالتقرير ده او السمارت  . واللى بيتقال عليه هيلث الهارد Health  هو مجرد مؤشر لكن مش معناه نه لو نازل فالهارد تالف . او لو عالى فالهارد تمام . يبقى مجرد مؤشر

 

طب اشوفه ازاى هيلث الهارد ده

عندك حاجه من 3

1- فيه اجهزه  سواء laptop  او PC  اول ما بيشتغل بيروح يقرا السمارت ويديلك رسالة لو فيه مشكله قبل ما يحمل الويندوز .

2- فيه برامج بتفحص الهارد .

اما برامج عامه بتشتغل على كل الهاردات و اشهرهم واللى ناس كتير بتفضله hard disk sentinel . او  CrystalDiskInfo او Active@ Hard Disk Monitor   .الخ

  او برامج خاصه بتنتجها الشركات المصنعه للهارد .

  وبالاخص لل SSD   ودى مهمه

3- من الويندوز نفسه .

وده اختبار سريع كده انك تقتح start  وبعدين run  وتكتب CMD  زى ما فى الصوره ها تطلع لك شاشه الدوس السودا . ها تكتب

wmic diskdrive get model,status

ها يطلع لك الهارد او الهاردات وحالتها زى ما فى الصوره . تعرف منها هيلث الهارد

نتعالى نتفق انه موضوع هيلث الهارد مجرد مؤشر بس . ومش معنا انه قليل انه الهارد تالف.

 انا حاطط لك صوره تحت لهارد شغال ويندوز وتمام و بيقول الهيلث 3% .هو مجرد رأى استرشادى .

 لاحظ انه فيه اجهزه خاصه بالتعامل مع الهاردات بتمسح اللوج ده وتخليه يدى حاله 100% . وهوه مش تمام .

 وفيه حاجات تانيه لازم برضه تاخدها فى الحسبان لو انت بتقيم حاله هارد سواء بتاعك او اللى انت بتشتريه كمستعمل او فى جهاز مستعمل

زى ايه ؟

1-  عمر الهارد . معظم الهاردات مكتوب عليها سنه الصنع . كل لما يبقى احدث يبقى افضل . خصوصا المساحات الكبيره .

2- طريقه استعماله . هو شغال فى ايه . اكيد اللى فى dvr  وبيكتب طول الوقت .  غير اللى مجرد مخزن

3-  سرعه القراءة والكتابة  . جرب تنسخ عليه كم . او تنزل عليه ويندوز الخ . مش بس هيلث الهارد

4- الوصلات مهمة جدا . اللى هيه الكيبلات المتوصلة بالهارد . سواء جوا جهاز او usb . كل لما كانت مستقره وكويسه . فده بيحافظ عالهارد

5- الكهرباء بتاعه الجهاز وبالأخص البور سبلاى . كل ما كان غير مستقر .  ومن نوع رديء . اعرف انك مش ها يعيش لك هاردات

5- الهاردات مش متصممه تشتعل للأبد .المصنع نفسه ما بيضمنش الهارد اكتر من 3 سنين. ف حط فى دماغك انه ممكن يتلف فى اى وقت .

فخلى دايما عندك نسخه من ملفاتك المهمه

لمعلومات اكتر عن استعاده البيانات

اضغط هنا

 



Your email address will not be published. Required fields are marked *

أسالنا