طريقه عمل نسخه احتياطية من ملفاتك المهمة

طريقه عمل  نسخه احتياطية من ملفاتك المهمة

طريقه عمل نسخه احتياطية من ملفاتك المهمة


مبدئيا  موضوع انك تعمل نسخه احتياطية او لا  مش ترفيه ولا من كماليات الشغل . بالعكس وجود نسخه احتياطية اساسى جدا.

حضرتك بتشوف وبتسمع كل يوم عن ناس اما الملفات اتشفرت او ان الهارد  .تلف او ضاعت الداتا لأى سبب كان

. لو عندك ملفات مهمة سواء شخصيه او شغل فلازم يكون عندك منها نسخه احتياطية ثانيه على الاقل

طب تاخد ازاى نسخه احتياطية ؟

فيه برامج كتير جدا بتعمل نسخه احتياطية. انا ها اكلمك عن واحد بس ومجانى  اسمه fbackup .  ونرحب طبعا بتجاربكم فى الموضوع

ميزه البرنامج انه بيتيح لك تاخد نسخه احتياطية من اى  مجلد عندك وليكن مثلا اللى فيه قاعده البيانات ويحفظه اما على مكان اخر  زى فلاش او هارد .

طب ما ينفعش ناخد نسخه احتياطية على هارد تانى ؟

ينفع طبعا تاخد  نسخه احتياطية على هارد تانى وبنفضل ده ولكن ما تحطش نفس الهارد مع الهارد الللى انت واخد منه باك اب

طب الهارد اللى باخد عليه نسخه احتياطية USB وبعينه مع اللاب توب فى الشنطه ده كده تمام؟

لا ده كده مش نسخه احتياطية حضرتك . لازم يتحفظ بمكان اخر

 طب ايهما افضل . عمل  نسخه احتياطيه  على هارد ام على CLOUD ?

يفضل عمل نسخه احتياطية على كلا الطريقين ما امكنك حتى لا تقطع فى مفاجئات غير ساره.

لو حسبتها بكل التكاليف التى ستتحملها لعمل نسخه احتياطية  . ستجد انها لا تعادل ربع تكلفه استعاده البيانات فى حاله حدوث مشكله

 

لاحظ انك فى حاله عدم اخذ نسخه احتياطيه وحدوث مشكله ما بالهارد . انت مش ضامن انك ترجع الداتا .

يعنى ممكن يضيع شغلك للابد لمجرد انك ما اخدتش احتياطات امر زى كده

 

وممكن وده الحلو يحفظ لك على  حاجه اونلاين  زى Google drive  او  dropbox . فده طبعا امان جدا . وكمان وتحدد ميعاد ياخد فيه هو نسخه احتياطية  تلقائي كل يوم او اسبوع زى ما تحب . ده مهم جدا للصيدليات او السوبر ماركت  او اى حد بالأخص بيشتغل على قاعدة بيانات

البرنامج له نسخه مدفوعه فيها خصائص اكتر لكن الاصدار ده ك نسخه احتياطية يؤدى الغرض

رابط البرنامج

من هنا

للمزيد

من هنا


Notice: Undefined variable: post in /home/alsaf/domains/alsafwapc.net/public_html/wp-content/themes/alsafwapc/framework/functions/related.php on line 4 Deprecated: WP_Query was called with an argument that is deprecated since version 3.1.0! caller_get_posts is deprecated. Use ignore_sticky_posts instead. in /home/alsaf/domains/alsafwapc.net/public_html/wp-includes/functions.php on line 4997

Your email address will not be published. Required fields are marked *

أسالنا