ازاى تختار هارد محمول Portable HDD

ازاى تختار هارد محمول Portable HDD

ازاى تختار هارد محمول Portable HDD


ازاى تختار هارد محمول . Portable HDD
تعالى نتفق مبدأيا انه فيه فرعين رئيسيين لازم نعرفهم كويس الأول عشان نقدر نختار هارد محمول portable HDD . وعشان نقدر نقرر احنا محتاجين ايه مناسب لاستخدامنا

الفرع الاول

الهاردات المحموله من انتاج شركات لا تنتج الهارد ديسك نفسه . زى Buffalo و Transcend و LG و iomega و Lacie وحتى Lenovo

الفرع الثانى

الهاردات المحموله اللى بتنتجها الشركات المنتجه للهارد ديسك نفسه . زى Western و Toshiba و Seagate

الفرع الاول

بسرعه كده دى شركات بتاخد هاردات من الشركات المصنعه وتعملها هاردات محموله بطريقتها هي. لكن المشكله انك ما بتعرفش الهارد المستخدم جواه ايه ? وسترن ولا سيجيت ولا توشيبا. والصراحه البعض منهم بيبدع بشكل قد يتفوق احيانا الشركات المنتجه للهاردات نفسها .
ازاى؟
طبعا اتفقنا الفرعين بيستخدمو نفس الهاردات . الاختلاف فى 3 حاجات

1- البرامج اللى بتتحط مع الهارد . للحمايه والنسخ الاحتياطى و Cloud والخ
2- سرعه نفل البيانات . ودى غالبا ما بتفرقش كتير لان المعظم الان بيستخدم usb3. ما عدا ال SSD بيستخدمو 3.1
3 – التصميم
شركه مثلا زى Buffalo محترمه جدا فى موضوع التشفير . شركه زى Transcend محترمه جدا فى التصميم وفى حمايه الهارد الداخلى .

 بإنها بتعمل حمايه من المطاط من الخارج عشان الصدمات والخ . وجيده فى اختيارات الهارد . غالبا بيبقى جواه ويسترن .

الفرع التانى

وها اكلمك البوست ده عن الهاردات اللى من انتاج شركه Western
ويسترن بتعمل ( عائلتين) اساسيين

 العائله الاولى اسمها Elements

وده حضرتك هو هارد محمول وبس . بدون اى اضافات . واقلهم فى السعر. وما بيعلبوش فى تصميم ال enclosure اللى هو الكفر بتاعه

العائله التانيه اسمها My Passport

ودى منها شويه منتجات

1- My Passport العادى . ده بيسمح بعمل تشفير
2- My Passport Ultra . برضه بيسمح بالتشفير بس سمك الهارد اقل
3- My Passport for Mac . وده بيشتغل على اجهزه Mac
4- My Passport Wireless Pro وده بيشتغل wirless . وبكابل برضه
5- My Passport X . وده عشان يتوصل ب اجهزه الالعاب . Xbox والخ
6- My Passport SSD . وده SSD اغلاهم وطبعا اسرعهم

كل عيله منهم ممكن تلاقى منها حاجه اسمها SE او Second Edition . بيكون فيها مزايا اكتر
================================ = = = =
طب اشترى ايه؟

هما كلهم نفس الهاردات من جوه كمكونات واحد . بتكلم عن الويسترن .

 ما عدا ان ال Passport البورده بتاعته فيها زياده Ic خاص بالتشفير والهارد عليه سوفت وير خاص بالتشفير. لكن هو برضه نفس الهارد .
فلو حضرتك مش ها تستخدم التشفير روح لل Elements . ما تروحش لعيله ال Passport من الاساس ووفر فرق السعر. عايز تشفر الملفات اختار من ال Passport اللى يناسبك.
طب بتاع ال MAC ؟ حضرتك برضه ممكن تجيب Elements وتفرمته Exfat فيشتغل على ال ماك والويندوز مع بعض .

او تفرمته ك XFS او Fat32 عشان يشتغل على الماك . لكن لو عايز تشفير الملفات على الماك يبقى هات بتاع ال MAC. براحتك.

وطبعا حضررتك بتدفع تمن تصميم الكفر الخارجى . ويسترن مثلا بستعين بشركه خاصه تصمم لها الكفرات من بره والوان وكده .

الشكل والتصميم بيفرق فى السعر
وفكر كمان فى ال Transcend عشان عليه حمايه اكتر فبيحتمل الخبطات اكتر شويه

دى كانت نبذه عن اختيار ال  Portable HDD



Your email address will not be published. Required fields are marked *

أسالنا