سؤال بنسمعه كتير اعمل الهارد GPT ولا MBR ؟. عشان تقرر لازم تعرف النوعين وتعرف ايه المناسب للهارد ديسك بتاعك .
قبل ما نتكلم عنهم لازم نعرف انه كلا النوعين عباره عن طريقة تخزين المعلومات الخاصة بتقسيم الهاردديسك . يعنى انت عامل الهارد كام بارتشن وكام primary وكام logical وحجمهم وحجم الهارد نفسه .
عشان لما تيجى تنزل ويندوز او اى نظام تشغيل . فيعرف ها يتعامل مع مين ويروح فين . لأنه لو ما عرفش وانت بتزل ويندوز. ها يقولك انا مش عارف اروح فين فالهارد بتاعك زى ما بيحصل كده مع ويندوز 10 احيانا وما يشوفش بارتشنات الهارد
فلازم نعرف كل ده قبل ما نقرر GPT ولا MBR
نتعالى نشوف النوع الاول MBR
MBR هو اختصار Master Boot Record وده القديم .
النظام ده لا يعمل مع هارد سعته اكبر من 2 تيرا بايت .
لا يمكنك انشاء اكثر من 4 بارتيشن ك primary في هارد واحد .
بيعمل مشاكل احيانا مع نطام ويندوز 8 فأكثر .
لا يصلح مع linux . بيخزن كل المعلومات بتاعته دى فى اول 512 بايت فى الهارد. كنسخه وحيده فقط. ودى مشكله . ولكن هو كويس مع النظم القديمه زى XP
النوع التانى GPT
اختصار Guid Partition Table . وده الجديد بيدعم الهاردات من 2 تيرا وأنت ماشى .
عدد برتشنات 128 ك primary .
يدعم نظم تشغيل من ويندوز 7 فأكثر وبالأخص ال 64 بت .
بيدعم Linux . بيسجل بياناته فى اكثر من نسخه جوه الهارد مش مجرد نسخه واحده فى اول الهارد .
امكانياته فى السيكورتى اكثر . يدعم التعامل مع نظم البايوس الجديدة الــUEFI .
لكن ما بيدعمش نظم التشغيل القديمه زى XP
طب انا عايز اعرف الهارد اللى فى جهازى الان على اى نظام ؟ GPT ولا MBR ؟
كليك يمين على ايقونه my computer واختار manage ومنها اختار disk management
كليك يمين على اى هارد عندك زى ما فى الصوره 1 ثم الصوره 2
السؤال الاشهر بقى بتاع ويندوز 10 انه ما ينزلش عندك ويطلع رساله انه مش شايف البرتشنات
دى اما انك تغير طريقه عمل نسخه الويندوز على الفلاشه وتستخدم برنامج زى Rufus يخلى الفلاشه uefi ويغير نظامها من ntfs ل fat32 وساعتها ها ينزل الويندوز
او انك تحول الهارد ل MBR بواسطه اداه فى الويندوز او برامج من برامج التقسيم
المهم فى الموضوع انى بنصحك ما تحولش الهارد من نوع ل نوع من غير ما تكون عملت نسخه احتياطية من ملفاتك . مهما كانت ثقتك فى ان البرنامج ها يحول ويحافظ على الداتا
=============================
انا اتلخبطت وما بقتش فاهم حاجه. يعنى استخدم ايه لو انا جايب هارد جديد ؟ GPT ولاMBR
1- لو انت جايب هارد اكبر من 2تيرا . روح مباشره ل GPT
2- لو انت مهتم بنظم التشغيل 64 بت وكل ما هو فوق الويندوز 7 استخدم GPT
3- لو انت فى نيتك تنزل لينكس يوما ما . اختار GPT
4- لو انت جهازك من الانواع الحديثه اللى البيوس فيها بيدعم UEFI فاختار GPT
5 – لو انت ها تستخدم سيكورتى زى bitlocker وما شابه استخدم GPT
6- لو الهارد بتاعك اقل من 2 تيرا وأنت ما بستخدمش غير ويندوز 32 فاستخدم MBR
7- لو انت بتسخدم ويندوزxp .مثلا عندك برامج متخصصة ما بتشتغلش غير عليه والخ . استخدم MBR
المصادر
اعرف اكتر عن انتواع الفورمات من
