طريقه عمل نسخه احتياطية من الملفات المهمة

مبدئيا  موضوع انك تعمل نسخه احتياطية من الملفات  او لا  مش ترفيه ولا من كماليات الشغل . بالعكس وجود نسخه احتياطية اساسى جدا.

حضرتك بتشوف وبتسمع كل يوم عن ناس اما الملفات اتشفرت او ان الهارد  .تلف او ضاعت الداتا لأى سبب كان

. لو عندك ملفات مهمة سواء شخصيه او شغل فلازم يكون عندك منها نسخه احتياطية ثانيه على الاقل

طب تاخد ازاى نسخه احتياطية من الملفات ؟

فيه برامج كتير جدا بتعمل نسخه احتياطية. انا ها اكلمك عن واحد بس ومجانى  اسمه fbackup .  ونرحب طبعا بتجاربكم فى الموضوع

ميزه البرنامج انه بيتيح لك تاخد نسخه احتياطية من اى  مجلد عندك وليكن مثلا اللى فيه قاعده البيانات ويحفظه اما على مكان اخر  زى فلاش او هارد .

طب ما ينفعش ناخد نسخه احتياطية من الملفات على هارد تانى ؟

ينفع طبعا تاخد  نسخه احتياطية من الملفات على هارد تانى وبنفضل ده ولكن ما تحطش نفس الهارد مع الهارد الللى انت واخد منه باك اب

طب الهارد اللى باخد عليه نسخه احتياطية USB وبعينه مع اللاب توب فى الشنطه ده كده تمام؟

لا ده كده مش نسخه احتياطية حضرتك . لازم يتحفظ بمكان اخر

 طب ايهما افضل . عمل  نسخه احتياطيه  على هارد ام على CLOUD ?

يفضل عمل نسخه احتياطية على كلا الطريقين ما امكنك حتى لا تقطع فى مفاجئات غير ساره.

لو حسبتها بكل التكاليف التى ستتحملها لعمل نسخه احتياطية  . ستجد انها لا تعادل ربع تكلفه استعاده البيانات فى حاله حدوث مشكله

 

لاحظ انك فى حاله عدم اخذ نسخه احتياطية من الملفات وحدوث مشكله ما بالهارد . انت مش ضامن انك ترجع الداتا .

يعنى ممكن يضيع شغلك للابد لمجرد انك ما اخدتش احتياطات امر زى كده

 

وممكن وده الحلو يحفظ لك على  حاجه اونلاين  زى Google drive  او  dropbox . فده طبعا امان جدا . وكمان وتحدد ميعاد ياخد فيه هو نسخه احتياطية  تلقائي كل يوم او اسبوع زى ما تحب . ده

مهم جدا للصيدليات او السوبر ماركت  او اى حد بالأخص بيشتغل على قاعدة بيانات

هل ال cloud  آمن ؟

  اكيد شركات كبيره اللى بتعمل الخدمات دى ما بتغامرش بسمعتها واسمها ابدا . ف ايوه الكلاود آمن جدا كأستخدام . وحتى المجانى منه آمن ويعتمد عليه وان كان ما بيديش مساحه كبيره

 

 

البرنامج له نسخه مدفوعه فيها خصائص اكتر لكن الاصدار ده ك نسخه احتياطية من الملفات يؤدى الغرض

رابط البرنامج

من هنا

للمزيد

من هنا