لو حضرتك قررت تشترى هارد 6 تيرا فأكثر . غالبا ها يكون الهارد ده فيه من الداخل غاز هليوم . فتعالى نعرف اكتر الهارد الهليوم قبل ما تشتريه
اولا : الهارد العادى فيه من جوه هوا نقى جدا. والهارد العادى عشان جواه اقراص platter بتدور بسرعة كبيره (غالبا 7200 لفه فى الدقيقه). فلازم يدخله هوا . والا ها ينفجر من الضغط . الهوا ده بيدخل من فتحه صغيره فى الغطا تحتها فلتر بينظف الهوا قبل ما يدخل الهارد.
ده طبعا يحتاج طاقه اكبر عشان سحب الهوا وتدويره وطبعا ينتج حرارة.
المشكله انه لازم تكون فيه مساحات كبيره نسبيا بين اقراص الهارد اللى بتتخزن عليها الداتا . عشان حركه الهوا جوه الهارد وعشان الحرارة . ده طبعا يعيق الشركات المنتجه فى نقطه زيادة المساحات التخزين
جت شركه هياشى فى 2013 (اللى اشترتها ويسترن ديجيتال بعد كده) قدرت فى انها تستبدل الهوا جوه الهارد ب بغاز هليوم. وانتجت اول جيل من الهارد الهليوم .
ليه الهارد الهليوم ؟
1 – لأنه اخف من الهوا حوالى سبع مرات . ده ها يسمح بزيادة عدد الاقراص وبالتالى المساحه . اكبر عدد من الاقراص وصلت له الهاردات العادية كان 5 اقراص فوق بعض . مع الهليوم يسمح ب 7 و 8 حتى الآن . عشان كده ظهرت الهاردات ال 10 وال 12 وال 14 تيرا .
2- ها تقل الحرارة الناتجة عن الدوران لأنه اخف فمش ها يقاوم الدوران زى الهوا . وده ها يقلل الحرارة بحوالى 4 درجات جوا الهارد
3- بما ان ما فيش هوا ولا احتكاك . فالهارد مالوش اى صوت . والاهتزاز يكاد يكون منعدم فى الهارد الهليوم .
4- ها يقلل استهلاك الهارد من الطاقة بنسبه 23% . لكن عشان الهارد يتملى بالهليوم فلازم يغلق بإحكام تااااااااااااام . كأنه متبرشم مش بمسامير زى الهارد العادى . ودى مشكله لينا كفنيين بالأخص .
الان ال 3 شركات المصنعه للهاردات ( ويسترن – سيجيت – توشيبا ) بتنتج الهاردات فى المساحات الكبيره 6 و 8 و 10 و 12 تيرا الخ . بتقنيه الهليوم . طبعا نقصد هاردات الكمبيوتر ال 3.5 بوصه . مش هاردات اللابتوب 2.5
المصادر
ولو حبيت تعرف اكتر عن الهاردات sshd
