تعالى نتفق انه الموضوع معقد في استعاده البيانات من الموبايل ، وده بسبب 4 نقط. بتكلم عن الاندرويد فقط فالبوست ده.
مبدأيا، خلينا نتفق انه الموبايل ليس مجرد أداه تخزين فقط ، يعنى هو مش زى الفلاشه أو زى الهارد لما توصله بجهاز الكمبيوتر ، ( لا ) الموبايل فالحقيقة كأنه كمبيوتر كااااااامل بالضبط .
ما اسباب صعوبه استعاده البيانات من الموبايل ؟
تخيل كده عندك لابتوب وعايز توصله بكمبيوتر آخر. هل مجرد توصيلهم ببعض ها يسمحلك انك تشوف الداتا من ده لده؟
لا طبعا، أنت محتاج انك تعملshare من جهاز لجهاز و Quota الخ عشان تشوف داتا محدده كمان ، مش كل الداتا اللى عليه. ودى أول إشكاليه من الأربعة
المشاكل المتعلقه ب استعاده البيانات من الموبايل كالآتي :-
1- مشكله التوصيل، انه عند توصيل الموبايل بالكمبيوتر، ما بتتعاملش مباشره مع كل الداتا الموجوده اللى عليه. لا ، بتتعامل مع داتا محدده فقط ومن خلال المعالج او البروسيسور بتاع الموبايل. لكن مش مباشره منك للشيب اللى متخزن عليه الداتا اللى هو شيب الNAND سواء كان الشيب نوعه EMMC او UFS.لا بل مرورا بالمعالج وهو من يحدد ما هو مسموح لك من خلال ما يقرره نظام الاندوريد
2- مشكله طريقه تخزين الموبايل للداتا . مش معنى انك عندك ذاكره تخزين ناند شيب 128 جيجا انهم على بعض كده حته واحده او برتشن واحد او حتى متقسمين 2 برتشن مثلا زى ما بيحصل مع الهارد.
لا الموضوع أشبه بتقسيم بارتشنات المولات منه الى برتشنات الهارد . اى أجزاء صغيره ومتداخلة بين مساحات تخص السيستم ومساحات تخص الداتا الخاصه بك كمستخدم. وبروسسور الموبايل هو اللى بيوزع المساحات والأدوار. وبرسيسور الموبايل يجمع لك من المساحات المبعثره دى الأجزاء الخاصة بالداتا بتاعتك فقط ويعملها لك جزء واحد بيشوفه زى ما بتشوف الفلاشه كده، وبنسميه User data partition
بالنسبة للنقطتين السابقتين، لو حضرتك مستخدم محترف ها تقول لا ، أنا ها اعمل Root للموبايل وها أخد كل الصلاحيات وأتحكم فى كل المساحة وكل البرامج. وانزل برامج ريكفرى عالموبايل نفسه كمان وارجع اللي انا عايزه. معاك بس فيه مشكله !
انه في الإصدارات الحديثة من الاندرويد صعب تعمل رووت ROOT. برامج king root وoneclick root وdr.phone وأخواتهم غالبا ها تفشل. ولو عملت فها تمسح لك كل حاجه عالموبايل ، فلازم قبلها تاخد نسخه من كل الداتا اللى على الموبايل أولا. لأن الروت ها يمسح كل حاجه كأنه بيعمل ضبط مصنع
ايوه لو عملت رووت لموبايل اندرويد ما بعد ال 9 فالموبايل ها يرجع زيرو بدون اى ملفات ولن يمكن استعاده البيانات من الموبايل
الشاهد انك لوعرفت تعمل رووت فها تضيع الداتا اللى موجودة بالفعل. ومافيش حاجه ها تقدر ترجعها من الموبايل نفسه
3- مشكله الحمايه، لا يقصد بها الحمايه اللى بتعملها حضرتك لتلفونك البصمة او النقش الخ ، لا بقصد اللى بيعملها نظام الاندرويد وكذلك الموبايل نفسه للداتا اللى عليه .
انواع الحمايه فى الموبايل
الأولى
FDE ” full disk Encryption “
ده اتعمل من أول اندرويد 7 لحد 10 ، انه بيعمل تشفير كامل بمفتاح 128 Bit أو Bit256 وبقيم عشوائية
في هذه الإصدارات من الاندرويد بيتخلق مفتاح واحد فقط لغلق كامل برتشن الداتا ،اللى هيه المساحة التخزينية اللى حضرتك بتستخدمها فالموبايل
مازال السؤال قائم، فين المشكلة ؟!
المشكلة لو التليفون مش شغال. ما بيقومش. بيقوم ويقف على الشعار. فاصل بور…. الخ الخ .وعايز تاخد ملفاتك وصورك منه ، إيه الحل ؟
اكيد لو حضرتك متمرس، ها ممكن تقترح إننا نفك الشيب اللى متخزن عليها الداتا من الموبايل ونقراها بالأجهزة اللى بتقرا الشيبات. هل ده ممكن؟
ممكن بس ها نقرا كده ايمدج مشفر، برتشن مشفر بالمفتاح اللى فوق ابو 128 بت او 256 بت، يعنى كأنك معلمتش حاجه. فالحالة دى مش ها نعرف نطلع منه اى داتا (غير المخزنه داخل قواعد بيانات، مثل ال SMS وال MMS .طبعا ها تقولي شكرا مش عايز ) وممكن بعض داتا من داخل قواعد بيانات لبرامج زى الواتساب مثلا كصور وفيديوهات
خلاص نفك الشيب اللى متخزن عليها الداتا من الموبايل ونحطها فى موبايل آخر، اخوه بالضبط . يمشى الكلام ده؟
ساعتها محتاج تاخد مع الشيب الناند اللي متخزن عليه الداتا شيب اخر وهو البروسيسور. ننقلهم للموبايل أخوه بالضبط ده. وده كابوس وصعب جدا بالأخص البروسسور، لكن ممكن . بس نقول تانى ، ده فالاندرويد من 7 وحتى ما قبل ال 10
الحماية الثانية
FBE ” File Base Encryption”
ودى من أول اندرويد 10 بقى ، دخلنا فى كابوس آخر من الحماية
كنا زعلانين انه البرتشن فى إصدارات الاندرويد من 7 لما قبل ال 10 مقفول بالكامل بKey بنظام 128 bit أو Bit256 ، اهو ده سعادتك الاندرويد هنا بيشفر كل ملف فالبرتشن ب Key مختلف وأي ثغرات تكتشف بتم تحديثها تلقائي . الخاصية دى موجود فى ابل من زمان ز من أول Iphone 5 فأعلى
موضوع بقى انك تشيل شيب الناند اللى عليه الداتا بتاعتك وتقراه بأي جهاز من أجهزه الريكفرى أو أجهزه صيانة الموبايل أو تنقله لموبايل آخر ده مالوش اى معنى ولا ها يطلع ملف واحد . من الآخر ولن يمكن عمل استعاده البيانات من الموبايل
4- مشكله متعلقه بطبيعة شيب الناند نفسها . كل الإصدارات الحديثة من الاندرويد بتشغل الناند شيب اللى هيه بيتخزن عليها البيانات بتقنيه تشبهTRIM فى الهاردات الحديثة . وبمجرد مسح ملف، يكتب مكانه قيم صفرية جديدة 00000000 .يعنى مش ممكن يرجع.
وكذلك بمجرد عمل ضبط مصنع فى إصدارات الاندرويد الجديدة مش ها ينفع استعاده البيانات من الموبايل . لأنه يعمل أعاده كتابه overwriting للداتا . وعليه لن يمكن استعاده الداتا لما قبل استعاده ضبط المصنع ولا بأي برامج أو أجهزه
ها نضيف مع إشكاليه الناند . اختلاف أنواع المعالجات ، وانه كل معالج له طريقته فى التعامل مع الناند اللي بيتخزن عليه الداتا فالموبايل ( المعالح ميديا تك مختلف عن كوالكم عن كيرين عن اكسينوس عن هاى سيليكون )
الخلاصه
1 الموبايل مجرد وسيط للداتا ، مش مخزن للداتا ، لذلك خد باك اب باستمرار.
2 لو موبايلك حديث .يعنى باختصار لو اشتريته جديد السنه دى او اللى فاتت ، وعملت ضبط مصنع، غالبا انت فقدت الداتا للأبد . الانيل مجرد مسح ملف او صوره قد لا يمكن استعادتها
3 ما تحاولش تعمل رووت وأنت عندك داتا مهمه عالتلفون
4 نسبه نجاح استعاده الداتا من الموبايل قليله جدااااااااااااااا
5 استعمل اى شكل ممكن من أشكال الكلاود عشان ما تتضطرش أصلا لمشكله فقد الداتا . بحيث تاخد صورك أول بأول وكذلك نسخه احتياطيه من الواتساب
6 لو عندك مكان فالتلفون انك تركب SD Card فدى فرصه كويسه ، خليه الأساسي للتخزين
7 البوستين دول فيهم معلومات عن الكلاود
https://bit.ly/33MCOwJ
https://bit.ly/2Ra8itQ
8 لو قلقان على الباقه والجو ده . نزل على الكمبيوتر برنامج يعمل لكBackup وكل فتره بسيطة خد نسخه
سامسونج عامله برنامج لتليفوناتها تاخد بيه باك اب اسمه smart switch
باقي الأنواع دور ، لو مالهاش، ممكن تستخدم برنامج زى mobiletrans بالرابط ده https://bit.ly/2QgToBG
وعشان تاخد باك اب من الواتساب على الكمبيوتر بتاعك ممكن تستعمل البرنامج بالرابط ده https://bit.ly/3uJfZ8N
لو حبيت تسأل في الموضوع، الله يكرمك اقرأ البوست بالكامل الأول
انا عارف انك لو دورت بجوجل ها تلاقى كل برامج استعاده البيانات من الموبايل بتقولك انها ممكن ترجع لك الداتا بعد ال Factory reset وبعد ما التلفون يضيع منك. وحتى من قبل ما تشترى الموبايل أساسا . وعارف انك ممكن تكون فى وقت من الأوقات جربت برنامج ريكفرى من الموبايل ونفع معاك الموضوع متعلق بإصدار الاندرويد ،
المصادر
https://docs.samsungknox.com/admin/knox-platform-for-enterprise/kbas/kba-360039577713.htm
https://forum.xda-developers.com/t/data-recovery-after-factory-reset.4052163/
https://source.android.com/security/encryption/full-disk#encrypt_an_existing_device360039577713.htm
https://blog.elcomsoft.com/2018/05/demystifying-android-physical-acquisition/
https://resquoo.me/why-data-recovery-has-become-more-complex/
المزيد حول تقينه SMR
