فيرس الفدية

فيرس الفدية

فيرس الفدية


تعمل ايه لو لا قدر الله أصيبت ب فيرس الفدية  وملفاتك اتشفرت

الأول بس بنفكر بعض انك فيه شويه حاجات لازم تعملها باستمرار عشان ما نتصابش ب فيرس الفدية  ransomware  

7 نقط باختصار وهم

1- حدث الويندوز . بينزل له تحديثات المفروض تعملها. مش مجرد انك نزلت ويندوز يبقى خلاص. لازم كل فتره تحدث الويندوز. عشان ميكروسوفت بيسدو الثغرات دى .

 

2- لازم antivirus ويكون متحدث. ويكون محترم. مش ها اقولك نوع معين عشان ها نقعد نزايد على بعض .وما يكونش بكراك . مش عندك اصلى. نزل ترايل لمده وكررها وهكذا

 

3- بلاش تدور على كركات. الكراكات الآن هى الطريق السريع فيرس الفديه. كراك تفعيل الويندوز KMS وكراك IDM و الفوتوشوب والاوتوكاد . ماشى هات نسخه من حد مجربها . ان اقتضت الضرورة.

 

4-  بلاش تورنت. وبلاش مواقع اباحيه. ملفاتك ها تتشفر قبل ما تخلص الفيلم دونلود

 

5-  شركات الantivirus  عاملين تولز مجانا  ل فيرس الفدية  ransomware  زى kaspersky ببلاش kaspersky anti ransomware. وكذلك bitdefender .

مش ها تخسر حاجه لما تثتبها عندك عشان صداع فيرس الفدية 

 

 6- ما تفتحش مرفق مع ايميل من حد ما تعرفوش . انسى انك ايميلك  كسب معانا . وانسى الحاجه اللى فى بريطانيا اللى عايزه تتبرع لك .

 والله  ما شفت حد كسب ولا جاله فلوس .

 

7- خد دائما نسخ احتياطيه من الملفات المهمة علي الأقل .

 

=================================================

 

طب لا قدر الله حصل وأصيب الجهاز ب  فيرس الفدية   ransomware 

1- اول ما تحس انه فيه حاجه غط اطفي الجهاز وافصل النت . ويفضل تفك الهارد من الجهاز ساعتها وتاخده على جهاز تانى تشوف ايه اللى حصل.

 أحيانا بيكون اتشفر بس جزء من الملفات. ف إنقاذ ما يمكن إنقاذه.

2- طب اتشفرت للأسف الملفات. بلاش الغلطة العجيبة انك تفرمت الهارد او البرتشن وتجرب ترجع المفات ببرامج استعاده الملفات .ها ترجع برضه متشفره.

لأن اللى اتحذف متشفر. فرصتك فقط بتبقى فى وجود نسخ من المفات دى كانت اتحذفت قبل التشفير وده احتمال قليل .

 

3- يفضل توقف وتخلى الهارد زى ما هوه وتجيب هارد تانى حتى لو مستعمل تشغل جهازك بيه . وتخلى الهارد اللى ملفاته اتصابت زى ما هوه.

 ما تعملش حتى عليه سكان الantivirus  . الantivirus  مش ها يفكلك ملفاتك بالعكس ممكن يمسح ملفات تساعد فالفك لاحقا.

4- اللي شفر الملفات ( الهاكر ) دايما  بيسيب لك ملف نصي او صوره فيها كلام  تدفع له ازاى .

 الملف ده مهم وما تحذفوش . فيه يميل االهاكر اللى شفر وفيه مفتاح عام للتشفير .

  فيه حيله بسيطه كده لو انت عندك ملف واحد بس مهم عالهارد. أو اهم ملف عندك .

تبعتهوله وتقوله فكهولى عشان اتأكد انك تقدر تفك الملفات لما احولك الفلوس

5- لازم الان تعرف نوع التشفير اللى حصلك . لان بقى فيه الان اكتر من 100 نوع تشفير . الجديد غالبا بياخد من 6 شهور ل سنه .

فيه تشفير online و offline .ال online صعب الفك جداااااا .

 

طب الآن ها اعرف ازاى نوع التشفير ؟

 .الملف النص او الصورة اللى سابهملك الهاكر مع ملف من ملفاتك اللي اتشفرت .

الآن حطهم في الموقع ده

من هنا

ها يقولك نوع التشفير ايه عشان تقدر تدور عالاداه اللي ها تفكلك الملفات

6- فيه مواقع بتقدم ادوات بقى للفك .  انت عرفت الآن نوع التشفير ..روح شوف هل له اداه فى احد المواقع دى او لا .

 لو لا افضل تابع لغايه ما ينزله فك

من هنا 

او  هنا

او هنا 

7- اخر حاجه مهمه كله بينساها . لو اتشفرت ملفاتك وانت كنت بتحفظ كلمات المرور الخاصه بمواقع الانترنت والخ ف المستعرض بتاعك .

زى جوجل كروم او فيرفوكس  لازم تغيرها كلها بسبب سرقتها من قبل الهاكر غالبا

 

 

تفصايل اخرى عن فيرس الفدية 

من هنا


Notice: Undefined variable: post in /home/alsaf/domains/alsafwapc.net/public_html/wp-content/themes/alsafwapc/framework/functions/related.php on line 4 Deprecated: WP_Query was called with an argument that is deprecated since version 3.1.0! caller_get_posts is deprecated. Use ignore_sticky_posts instead. in /home/alsaf/domains/alsafwapc.net/public_html/wp-includes/functions.php on line 4997

Your email address will not be published. Required fields are marked *

أسالنا