اسئله بنسمعها كتير بعد “عايز استعادة البيانات”

اسئله بنسمعها كتير بعد “عايز استعادة البيانات”

اسئله بنسمعها كتير بعد “عايز استعادة البيانات”


كتير جدا من العملاء لما بيحصل له اى مشكله فى الهارد ديسك . او الموبايل بتاعه وعايز  الداتا بتاعته ترجع. ولان موضوع استعادة البيانات جديد على معظم المستخدمين . فبيسأل الاسئله دى بعد ما بيقول انا عايز استعادة البيانات بتاعتى .

1- ممكن اعرف الهارد بتاعى ها يتكلف كام ؟

 ما نقدرش نحدد التكلفة بالضبط إلا بعد الفحص . والحد الأدنى لتكلفه استعادة الملفات  350  جنيه سواء هارد ديسك أو فلاش أو موبايل  . يعنى الرقم بيكون مبدأيا  اكتر من  350 جنيه . ده لو الهارد بتاعك سليم وبيقرا والداتا اتمسحت او فيه بادات ومش عارف تاخد الداتا . ولو  هارد DVR فتبدأ التكلفه من 700 جنيه.

انما لو الهارد وقع . او اتخبط  . فبيقبقى غالبا هدود . والتكلفه بتبدأ من 2000 جنيه . ده الحد الادنى بالاضافه ل تكلفه قطع الغيار . واللى بنسمسها ” الدونور” Donor . وبنقصد بيه الهارد اللى بنجيبه عشان ناخد وده اللى بناخد منه الهدود للهارد بتاعك  .

2- ليه غالى كده ؟

لان أجهزه الداتا ريكفرى تمنها غالى . وبحتاج تحديث سنوى . ولأنه بياخد وقت طويل . ولاننا بنفك الهارد طبقا للمعايير العالميه فى مكان خاص Clean Room وبأدوات عالميه . ممكن هارد يأخذ شهر متواصل على الجهاز . عشان استعادة البيانات.

على حسب الوقت وقطع الغيار بيتم تحديد التكلفة . وهل حد حاول قبلنا ولا لاء . لان كتر المحاولات بتصعب الأمور . خصوصا لو حد فتح الهارد .

انت اللى بتقرر قيمه الداتا بتاعتك . فلو عايز الداتا ما تغامرش . روح لمختص بس بالداتا ريكفرى . او استعادة البيانات .

3- طب الحد الأقصى كام ؟

الحد الأقصى  فى استعادة البيانات  بتوقف على . الوقت وقطع الغيار . مثلا في حاله ان الهارد تالف هدود  . الهارد واقع مثلا او مخبوط  . او بعمل صوت زى انه يتكتك مثلا  .

ساعتها التكلفة بتبدأ من 2000 بحد ادنى  ثمن  الدونور . وده مصطلح معناه  ”  الهارد السليم اللى زى بتاع حضرتك بالظبط  ويكون سليم تماما . اللى بنجيبه .

عشان  ننقل منه الهدود لهاردك . مش عشان نصلح الهارد . لا عشان نقدر نطلع الداتا .”.

-ولو الهارد كان اتفك قبل ما يجيلنا  .  فبتكون تكلفه الدونور على حضرتك  .  سواء نجحنا  فى استعادة البيانات ام لا

وعموما حضرتك ما بتدفعش حاجه على التشخيص . يعنى أولا بيتم الفحص . وبنرد  لحضرتك بالتشخيص خلال 48 ساعه .

وبنقول لحضرتك ها يكلفك  كذا  . لو مش موافق ما بتدفعش أي رسوم للفحص  .

التكلفه مش بالجيجا . بتتحسب بالوقت ونوع العيب وقطع الغيار ان استخدمت قطع غيار . ما بتتحسبش بحجم الداتا ولا حجم الهارد .

4-انتو مكانكم بعيد خالص ؟

ممكن حضرتك تبعت لنا الهارد بتاعك مع اى شركه شحن .  زي شركه ميدل ايست . فيدكس  الخ .

اى شركه شحن قريبه لمكان حضرتك .  بياخدو منك حوالى 40 -70   جنيه تقريبا . ويجيبولنا الهارد .

*المفروض بس حضرتك تحط الهارد فى كرتونه صغيره .  ويتلف بفوم او اكياس مفضضه عشان الشحن .  كأمان للهارد ديسك.

*بتديهم بس رقم التلفون 01000244770 وهما عارفين العنوان . او عنوانا اللى موجود فالصفحه  هنــــــا . ده لما يبقى المشوار بعيد عليك .

*وبتبعت مع الشحن نفس قيمه الشحن اللى دفعتها . عشان نبقى نشحنه ليك تانى سواء اتعمل او لا . أو حضرتك تشرفنا بنفسك  .

*ونرجوك ما تبعتلناش شحن غير لما تكلمنا الاول  .  ونعرف منك التفاصيل عن اللى حضرتك ها تبعته لنا  .  واتأكد انه اتلف كويس . وحوليه  اسفنج او فوم للحمايه .  واتحط فى كرتونهوشركه الشحن كتبت عليه ((( قابل للكسر ))))

عموما حضرتك لو حسبتها . الزقازيق من موقف عبود .  او موقف العاشر بالسلام اقل من ساعه .

فيه مشاوير كتير داخل القاهره .  بتاخد وقت اطول من كده بكتير .

5-ممكن اصلح الهارد .  وفى نفس الوقت نحافظ على الداتا اللي عليه ؟

حضرتك اختار طريق من الاثنين . لانهم لا يتقاطعوا في نقط كتير .  فلو حضرتك عايز استعادة البيانات .  والداتا بتاعتك مهمه بالنسبالك .

ما تفكرش فالتصليح  .  إلا بعد ما تأخذ الداتا بتاعتك الأول.

6- بتستخدموا برامج أيه ؟

ما بنستخدمش برامج . نستخدم مجموعه أجهزه فى استعادة البيانات . منها جهاز اسمه . pc3000 الخ…

7- انا وديت الهارد لواحد واتنين وفكوه. هل تقدرو ترجعولى الداتا منه ؟

الهارد المفروض يتفك في مكان خاص . اسمه كلين روم  Clean Room مش في الغرفة العادية.

وكل محاوله من غير المتخصص فى  موضوع   .  بتصعب الأمور.  وبالتالي بتزود التكلفة.

كمان بتقليل فرصه استعادة البيانات . او استرجاع الملفات الخاصه بك.

8- بالنسبه لخصوصيه الداتا بتاعتى عشان عليه صور عائليه .  وحسابات والخ . اضمن أزاي ان ما حدش يشوفها ؟

اولاً :احنا عشان بنشتغل بأجهزة ريكفرى .  مش ببرامج . فإحنا بنعمل الملفات بتاعه حضرتك

. او الهارد كله ك ملف ايمدج image file .ونطلع الداتا من ملف الايمدج ده مره واحده .  وحضرتك موجود لو حبيت.

ده لو  حضرتك قلقان من موضوع الخصوصية

ثانياً :الداتا تخص حضرتك بس . واحنا بنشتغل في الداتا ريكفرى من 2004 . يهمنا سمعتنا اكتر ما تهمك الداتا بتاعتك  .

ثالثاً :ايا كانت اهميه الداتا لحضرتك .  فهى مهمه لحضرتك بس . وبالنسبة لنا ده شغل بناخد ليه مقابل . نفس المبدأ  لما حضرتك لما تاخد بنتك او زوجتك لدكتور .

9- اكيد ان شاء الله بترجعو الداتا فى كل الاحوال ؟

اعلى نسب نجاح عالميه  . خصوصا فى حالات الهدود والمشاكل المتعلقه بالاقراص الداخليه .  هى 74% .بنحاول بقدر الامكان  .

ولكن لازم حضرتك تعرف  انه فيه

حالات لا يمكن فيها استعادة البيانات زى الموضوع ده ‹  هنــــــــا

حاول حضرتك بقدر الامكان ما تصعبش الامور .  ولما تحصل مشكله لا قدر الله .

خلى حد مختص يشوف الهارد او الفلاش او اى وسيط يهمك الدتا اللى عليه .

واعرف انه كتر المحاولات الخطأ بتقلل افرص النجاح  . او بتقضى عليها

تقدر حضرتك كمان  تشوف اراء عملائنا .  اللى اتعاملو معانا من هنا .

https://www.facebook.com/pg/alsafwapc/reviews


عموما حضرتك دايما .  ” احتفظ بنسخه احتاطيه من ملفاتك المهمه ”  . عشان ماتغامرش بالداتا بتاعتك



22 تعليقات علي ”اسئله بنسمعها كتير بعد “عايز استعادة البيانات”
  1. اسمحولي بأضافه سؤال اخر _هل من الممكن استعاده بيانات تم محوها عن دون قصد من علي الpc منذ ما يقرب من عام علما بان الهارد سليم و انا شغال عليه حاليا

    • لو حضرتك حطيت داتا تانى مكان الداتا اللى اتمسحت فالامر صعب
      مثلا حضرتك مسحت داتا حجمها 500 جيجا . وحطيت داتا حجمها 300 جيجا . كل اللى ينفع يرجع الان تقريبا 200 جيجا

        • فيه برامج كتير اكيد.حضرتك ممكن تعمل بحث فى جوجل .لكن بالنسبالنا بنستخدم اجهزه ريكفرى .

  2. لو سمحت ارجو المساعدة عندى هارد تاره ونصف من 2011 و جاب ميديا لفيت عليه مراكز صيانه وعلى الهارد صور وبيانات مهمه جداً انا لا اريد الهارد ولكن اريد الداتا الموجوده على الهارد نوع الهارد سامسونج ارجو المساعده ولكم جزيل الشكر

  3. لو سمحت أنا عندي هارد من 2005 hitachi كان حصل ان الجوان بتاعه اتقطه بمسمار و دخله تراب
    و أرسلت لشركة اسمها Ontrak Data Recovery في اليابان و موصولش لحاجة
    هل التكنولوجيا اتطورت دلوقتي و نقدر نعمله حاجة؟

  4. لو سمحت عندي فلاش ميموري تلف وعليه بيانات غاية فالاهمية والخصوصية
    هل يمكن استرجاع البيانات منه !!

  5. عندي هارد عملت دليل لي البرتشان وفي ملفات مهما عليه بس مقسمتش الهارد تاني هل ممكن اعمل استرجاع

  6. موضوع الخصوصية دة بالنسبة لى مشكلة كبيرة خصوصا اني مسحت صور خاصة بالاسرة بدون قصد و من فترة تقريبا أكتر من سنة ونصف من على فلاشة

  7. أنا من اسكندرية و عايز ابعتلكم الهارد بتاعى فممكن رقم شركة التوصيل و ممكن و لما ترجعوا الداتا إن شاء الله حد من طرفكم يوصلى الهارد او لو بتثقوا فى شركة الشحن حد منهم يرجعلى الهارد و لو ينفع ابعت معاه ثمن الشغل لأن صعب عليا السفر , و شكرا

  8. طيب بالنسبه لو عندى ميمورى كارد بتاعة موبايل وحصل فيها مشكله ومش بتفتح على الموبايل ولا على الكمبيوتر بس لما عملتها اعداة تهيئة أكتر من مره اشتغلت ومحتطش عليها اى داتا من ساعة ما اتصلحت ,, وجربت عليها اكتر من برنامج لإعادة الملفات ومش بيرجعوا حاجه
    هل الصور والفيديوهات اللى كانت عليها اقدر اجيبها؟
    واحتمالية نجاح الموضوع قد ايه؟

    مع العلم انى عملتلها فورمات بنظام Fat
    وبنظام NTFS
    وهى شغالة طبيعى دلوقتى

  9. عندى هارد سامسونج 500 ج لا يقرء اى بيانات ولا اى شيء هل ينفع اصلاحه وبغض النظر عن الداتا الموجودة مش مهمة اوى هل ينفع الاصلاح

  10. عندى هارد واحد تيرا WD
    طفيت الجهاز ولما فتحته سمعت طقطقه ومحملش ولا فتح
    وبقى مش بيظهر على الجهاز أو اى جهاز غيره
    حتى لما بحطه جنب هارد تانى
    هل ممكن استعادة البيانات اللى عليه
    او اعادة تشغيله مرة أخرى لأظهار البيانات

    • السلام عليكم ورحمة الله وبركاته،
      السادة الأعضاء
      بعد التحية ،
      اولا : اود اقدم لكم تهنئة لما قرأته من تعليقات العملاء وما وصفونكم به من مهارات عالية ومكارم الأخلاق ،
      ثانيا : امتلك HD بمواصفات سارفقها عند اللزوم ، الحالة انه يحتاج controller والسؤال هل بتغييره سأجد البيانات طبيعى ام ان البيانات ممكن تتاثر بهذا التغيير ، برجاء الرد والتواصل عاجلا على البريد المذكور او تليفونيا 01117303675 ولكم الشكر مقدما

      المهندس/ عماد عبده

  11. انا عندي لاب وعملت للهاد تقسيم ينفع ارجع الداتا تاني من> حوتال 3 سنوات ومحملتش حاجه تاني علي الجهاز

  12. بعد استرجاع البيانات يتم الحفظ أولا على هارد خارجى ولا هارد نفس الجهاز لانبعد استعادة الملفات على هارد الجهاز كل الملفات لا تفتح

Your email address will not be published. Required fields are marked *

أسالنا