الداتا بتتسجل  ازاى على الهارد

الداتا بتتسجل  ازاى على الهارد

الداتا بتتسجل  ازاى على الهارد


.لو انت مهتم بقيمه الداتا بتاعتك . فلازم تهتم انت ها تحطها على ايه ؟ مش بس نوع الهارد . لا وتعرف الداتا بتتسجل  ازاى علي الهارد  مش بس مجرد نوعه ومساحته

.زى بالضبط لما بتروح تشترى موبايل . بتهتم مثلا بالكاميرا وإصدار الاندرويد وسعه البطارية . بتهتم بكل ده وانت بتفاضل اكيد ما بين تليفونين

 

المفروض برضه وأنت ها تجيب هارد تحط عليه داتا تخص شغلك او داتا شخصيه بالنسبالك مهمة جدا . تهتم  برضه بمواصفات الهارد . مش مجرد حجمه ونوعه . يعنى ايه ؟

ها اكلمك النهارده عن سؤال لازم نسأله:-

 الداتا بتتسجل  ازاى على الهارد ؟

من غير لخبطه وتضخيم للامور

الداتا بتكتبها الهدود على الميديا او القرص . بطريقتين

1- طريقه قديمه اسمها CMR او PMR

2- وطريقه جديده اسمها SMR

طب وانا ها استفاد ايه لما اعرف الداتا بتتسجل  ازاى على الهارد ؟ انا عايز اشترى هارد كويس وخلاص

طول بالك . بص . الطريقه القديمه  CMR كانت الداتا بتتسجل  بالظبط زى الراجل اللى بيعمل الكنافه . دواير كده جنب بعض . وكل ما تقل المسافات بين الدواير بتاعه الكنافة كل لما تزيد كميه الكنافه على سطح الفرن اللى قدامه. يعنى سطح الفرن ثابت وهو بتحكم فى المسافات بين خيوط الكنافه .كل ما قلل المسافات بيبنهم ذادت الكنافه

الداتا بتتسجل ازاى على الهارد

لذلك نفس الهارد بالظبط ها تلاقى ابعاد  الهارد ال 500 بتاع اللابتوب او الهارد المحمول هو ابعاد التيرا نفس ال 2 و ال 3 وال 4 تيرا فى الطول والعرض .

.اومال الداتا بتزيد ازاى كمساحه . انهم بيقللو المسافات بين التراكات فتزد عدد التراكات وتزيد مساحه الهارد.

 

بس الموضوع مش بالمطلق لان لازم يسيب مسافات بين التراكات ها توصل لمرحه انه ما ينفعش تزود . لان  الهيد عشان يكتب محتاج حارتين يمشى فيهم .اما عشان يقرا محتاج حاره واحده. ف لازم يسيب مسافة إجباري بين التراكات .

دى كانت  conventional magnetic recording (CMR)    او PMR

وبسبب اننا عايزين مساحات اكبر فى الهاردات وكمان سرعه اكبر عشان يفضل ينافس ال SSD ظهرت

2- تقنيه جديدة اسمها SMR

التقنيه دى قربت الفاضى من التراكات كأنه طبقه تانيه  فقللت المساحات اكتر واكتر وبالتالى ظهرت الهاردات الكبيره  لغايه 16 تيرا

بس التقنيه دى فى استعاده الداتا واصلاح الهارد زى الزفت .لانها بتستخدمه طبقتين من ال Translator . مش موضوعنا الان ها نحكى بده بعدين.

 

المهم انه التقنيه دى الان بستخدمها ال 3 شركات اللى بينتجو الهاردات فى العالم  اللى هما ويسترن وتوشيبا وسيجيت

 

الداتا بتتسجل ازاى على الهارد

مشكله التقنية الجديدة انه الكتابه  عشان بيكتب بسرعه وعشان المسافات بين التراكات لا تذكر. فهو بيكتب بشكل عشوائي مش منظم . وبيستخدم الكاش او الذاكرة اللى موجودة فى الهارد .

وبينتظر فتره انه الجهاز ما بتقراش او بيكتب على الهارد ( فاتح الجهاز وسايبه) عشان  يعيد فيها  تنظيم الداتا مع نفسه عالهارد . زى defragment  كده.

 

طب افرض انا بفتح الجهاز وعلى طول شغال قرايه وكتابه  ومسح ؟ سرفر مثلا ولا نظام ريد ولا  نظام محاسبه الخ ؟

 

هو محتاج طبعا يعيد تنظيم الداتا وبالتالي لو مش ها تديله وقت يظبط نفسه بدون ما تعمل حاجه فها يبقى بطيء وها يبطأ اكتر.

النقطه الان  انه لو انت بقا ها تشرى هارد  SMR  عشان تستخدمه فى حاجه ها تقرا وتكتب باستمرار وطول الوقت زى ال RAID  او السرفرات ف ما تشتريهوش .

 

بس الشركات ما بتكتبش على الهارد هو بيستخدم تقنيه ايه . فمثلا تروح تشترى هارد ويسترن احمر 2 تيرا مثلا .فما تعرفش هو بيستخدم اى تقنيه  فلو ها تستخدم مثلا فى جهاز واحد هاردين.يفضل يبقو بنفس التقنيه . او فى سرفر او فى ريد الخ.

 

بسبب الموضوع ده ويسترن ما كنتش بتكتب الهارد ده بتقنيه ايه PMR  ولا SMR . لكن دلوقتى بقت لازم تكتب عشان المستخدم يعرف بيشرى ايه و لأيه. عشان بالاخص الهاردات اللى باللون الأحمر اللى بتسخدم فى ال STORAGE  . عرفت انك لازم تعرف الداتا بتتسجل  ازاى على الهارد !

 

التقنية دى موجودة من اول ال 2 تيرا . فقبل ما تشترى اى موديل هارد . ادخل موقع الشركه اللى بتنتجه وشوف التقنيه اللى بيستخدمها هل مناسبه للداتا بتاعك ولشغلك ولا لاء.


شوف الفيديو ده لو مهتم بتفاصيل اكتر

https://www.youtube.com/watch?time_continue=567&v=gSionmmunMs&feature=emb_logo


معلومات اكتر عن ازاى تختار هارد محمول

من هنا.


المصادر
https://www.synology.com/en-us/knowledgebase/DSM/tutorial/Storage/PMR_SMR_hard_disk_drives https://www.storagereview.com/news/wd-responds-to-smr-gate?fbclid=IwAR3iwlVWjpE1TuN6Ajb-lWWwkwW2LqYh8ps7KtkIhuWYqGl1S9K2cN79Jzs https://www.toshiba.co.jp/tech/review/en/01_02/pdf/a08.pdf https://documents.westerndigital.com/content/dam/doc-library/en_us/assets/public/western-digital/collateral/white-paper/white-paper-shingled-magnetic-recording-helioseal-technology.pdf http://wfcache.advantech.com/www/certified-peripherals/documents/96HD8TB-ST-WD7KE1_datasheet.pdf


Notice: Undefined variable: post in /home/alsaf/domains/alsafwapc.net/public_html/wp-content/themes/alsafwapc/framework/functions/related.php on line 4 Deprecated: WP_Query was called with an argument that is deprecated since version 3.1.0! caller_get_posts is deprecated. Use ignore_sticky_posts instead. in /home/alsaf/domains/alsafwapc.net/public_html/wp-includes/functions.php on line 4997

Your email address will not be published. Required fields are marked *

أسالنا