fbpx

اسئله بنسمعها كتير بعد “عايز استعادة البيانات”

اسئله بنسمعها كتير بعد “عايز استعادة البيانات”

اسئله بنسمعها كتير بعد “عايز استعادة البيانات”


كتير جدا من العملاء لما بيحصل له اى مشكله فى الهارد ديسك . وعايز  الملفات بتاعته . ولأن موضوع استعادة البيانات جديد على معظم المستخدمين . فبيسأل الاسئله دى بعد ما بيقول انا عايز استعادة البيانات بتاعتى .


1- ممكن اعرف استعادة البيانات من الهارد  بتاعى ها يتكلف كام ؟

 ما نقدرش نحدد التكلفة بالضبط إلا بعد الفحص . والحد الأدنى لتكلفه استعادة الملفات اى تبدأ من   400  جنيه سواء هارد ديسك أو فلاش أو موبايل  . يعنى الرقم بيكون مبدأيا  اكتر من  400 جنيه .

ده لو الهارد بتاعك سليم وبيقرا والداتا اتمسحت او فيه بادات ومش عارف تاخد الداتا وبتحتسب التكلفه حسب الوقت . لليوم ب 400 جنيه . لان فيه هاردات بالاخص فى حالات البادات بتاخد ايام  .

ولو  هارد DVR فتبدأ التكلفه من 900 جنيه.

اما لو الهارد وقع . أو اتخبط  . فبيكون غالبا هدود . التكلفة  بتبدأ من  2000  بحد ادنى  +  ثمن قطع الغيار ( الدونور) + تكلفه وقت الايمدج  اللى بنعمله للهارد بعد نقل الهدود ” .لأن الهارد بعد نقل الهدود له ما بيقاش زى الهارد السليم . لذلك له تولز بتعمل ايمدج من الداتا . وقت  الايمدج ده بتحسب باليوم . بحد ادنى 400 جنيه لليوم


2- ليه  تكلفه  استعادة البيانات غاليه كده ؟

لان أجهزه الداتا ريكفرى تمنها غالى . وبحتاج تحديث سنوى . ولأنه بياخد وقت طويل . ولاننا بنفك الهارد طبقا للمعايير العالميه فى مكان خاص Clean Room وبأدوات عالميه . ممكن هارد يأخذ شهر متواصل على الجهاز . عشان استعادة البيانات.

على حسب الوقت + قطع الغيار بيتم تحديد التكلفة . وهل حد حاول قبلنا ولا لاء . لان كتر المحاولات بتصعب الأمور  . خصوصا لو حد فتح الهارد .

انت اللى بتقرر قيمه الداتا بتاعتك . فلو عايز الداتا ما تغامرش . روح لمختص بس بالداتا ريكفرى . او استعادة البيانات .


3- طب الحد الأقصى للتكفه  كام ؟

الحد الأقصى  فى استعادة البيانات  بتوقف على . الوقت وقطع الغيار . مثلا في حاله ان الهارد تالف هدود  . الهارد واقع مثلا او مخبوط  . او بعمل صوت زى انه يتكتك مثلا  .

. وفى  حالات الهدود عموما ”  التكلفة  بتبدأ من  2000  بحد ادنى  +  ثمن قطع الغيار ( الدونور) + تكلفه وقت الايمدج  اللى بنعمله للهارد بعد نقل الهدود ” .لأن الهارد بعد نقل الهدود له ما بيقاش زى الهارد السليم . لذلك له تولز بتعمل ايمدج من الداتا . وقت  الايمدج ده بتحسب باليوم . بحد ادنى 400 جنيه لليوم .  عشان كده ما بقدرش نقول رقم محدد انه مثلا الهارد 160 كتكلفته فى الهدود = كذا .  وال 10  تيرا تكلفته كذا  

 

الدونور:  ده مصطلح معناه  ”  الهارد السليم اللى زى بتاع حضرتك بالظبط  ويكون سليم تماما و بنجيبه . عشان  ننقل منه الهدود لهاردك . مش عشان نصلح الهارد . فقط عشان نقدر نطلع الداتا “.

***   وفى حالات الهدود  بتكون تكلفه الدونور على العميل ***  .  سواء نجحنا  فى استعادة البيانات ام لا. لو ما نجحناش حضرتك ما بتدفعش اى اتعاب . ولكن  الدونور اللى بتبقى دفعت تمنه بيبقى للاسف  تلف 

الشاهد اننا لو ما رجعناش داتا كلنا بنخسر. فبنحارب عشان نطلع الداتا . كلانا فى نفس المركب

وعموما حضرتك ما بتدفعش حاجه على التشخيص . يعنى أولا بيتم الفحص . وبنرد  لحضرتك بالتشخيص خلال 48 ساعه .

ده لو باعتلنا الهارد شحن .

اما لو حضرتك بتشرفنا بيه فبنقدم تشحيص وحضرتك موجود . بشرط تكون معرفنا تلفونيا قبلها انك ها تشرفنا

وبنقول لحضرتك ها يكلفك  كذا  . لو مش موافق ما بتدفعش أي رسوم للفحص  .

 التكلفه مش بالجيجا . انما بتتحسب بالوقت ونوع العيب وقطع الغيار ان استخدمت قطع غيار . لكن التكلفه ما بتتحسبش بحجم الداتا .


4-طب ليه ما بتحطوش سعر محدد؟

لانه اولا تكلفه قطع الغيار متفاوته . يعنى الهارد ال 160 بنجيب له قطع غيار من هارد 160 زيه . اكيد سعر الهارد ال 160 جيجا مش زى سعر الهارد التيرا مش زى الهارد ال 8 تيرا. 
ثانيا اكيد الوقت اللى ها ياخده الهارد ال 160 مش زى الوقت اللى بياخده ال 8 تيرا +  تكلفه وقت الايمدج  . وعليه السعر بيكون مختلف . فالعميل لازم يكون موافق على الحد الادنى فى الحالتين اللى فوق عشان نبدأ شغل ونحدد التكلفه
ولانه احيانا ممكن  ما بيكفيش دونور واحد عشان نرجع كل الداتا الداتا المطلوبه . وبنضطر نعيد العمليه 


5-لا معلهش انتو  مكانكم بعيد خالص فمش ها اعرف اجيلكو  ؟

ممكن حضرتك تبعت لنا الهارد بتاعك مع اى شركه شحن .  زي شركه ميدل ايست . فيدكس  .ارامكس الخ . لو المشوار بعيد عليك 

اى شركه شحن قريبه لمكان حضرتك .  بياخدو منك حوالى من  60   -100  جنيه تقريبا . ويجيبولنا الهارد .

*المفروض بس حضرتك تحط الهارد فى كرتونه صغيره .  ويتلف بفوم او اكياس مفضضه عشان الشحن .  كأمان للهارد ديسك.

*بتديهم بس رقم التلفون  01000244770  وهما عارفين العنوان . او عنوانا اللى موجود فالصفحه  هنــــــا . ده لما يبقى المشوار بعيد عليك .

*وبتبعت مع الشحن نفس قيمه الشحن اللى دفعتها . عشان نبقى نشحنه ليك تانى سواء اتعمل او لا . أو حضرتك تشرفنا بنفسك  .

*ونرجوك ما تبعتلناش شحن غير لما تكلمنا الاول  .  ونعرف منك التفاصيل عن اللى حضرتك ها تبعته لنا  .  واتأكد انه اتلف كويس . وحوليه  اسفنج او فوم للحمايه .  واتحط فى كرتونهوشركه الشحن كتبت عليه ((( قابل للكسر ))))

عموما حضرتك لو حسبتها . الزقازيق من موقف عبود .  او موقف العاشر بالسلام اقل من ساعه .

يه مشاوير كتير داخل القاهره .  بتاخد وقت اطول من كده بكتير .


6-ممكن اصلح الهارد .  وفى نفس الوقت نحافظ على الداتا اللي عليه ؟

حضرتك اختار طريق من الاثنين . لانهم لا يتقاطعوا في نقط كتير .  فلو حضرتك عايز استعادة البيانات .  والداتا بتاعتك مهمه بالنسبالك .

ما تفكرش فالتصليح  .  إلا بعد ما تأخذ الداتا بتاعتك الأول.


7- بتستخدموا برامج أيه ؟

ما بنستخدمش برامج . نستخدم مجموعه أجهزه فى استعادة البيانات . منها جهاز اسمه . pc3000 الخ…  

لو الوضوع برامج فالبرامج عالنت اللى ببلاش واللى بفلوس . عايز تجرب براحتك . ولكن فقط لما يبقى الهارد سليم . لو فيه اى مشكله فى الهارد او الفلاش الخ  يبقى لازم اجهزه الريكفرى مش البرامج والا ها تغامر بملفاتك وممكن تخسرها للابد


8- انا وديت الهارد لواحد واتنين وفكوه. هل تقدرو ترجعولى الداتا منه ؟

الهارد المفروض يتفك في مكان خاص . اسمه كلين روم  Clean Room مش في الغرفة العادية.

وكل محاوله من غير المتخصص فى  موضوع   .  بتصعب الأمور.  وبالتالي بتزود التكلفة.

كمان بتقليل فرصه استعادة البيانات . او استرجاع الملفات الخاصه بك.


9- بالنسبه لخصوصيه الداتا بتاعتى عشان عليه صور عائليه .  وحسابات خاصه والخ . اضمن أزاي ان ما حدش يشوفها ؟

اولاً :احنا عشان بنشتغل بأجهزة ريكفرى .  مش ببرامج . فإحنا بنعمل الملفات بتاعه حضرتك

. او الهارد كله ك ملف ايمدج image file .ونطلع الداتا من ملف الايمدج ده مره واحده .  وحضرتك موجود لو حبيت.

ده لو  حضرتك قلقان من موضوع الخصوصية

ثانياً :الداتا تخص حضرتك بس . واحنا بنشتغل في الداتا ريكفرى من 2004 . يهمنا سمعتنا اكتر ما تهمك الداتا بتاعتك  .

ثالثاً :ايا كانت اهميه الداتا لحضرتك .  فهى مهمه لحضرتك بس . وبالنسبة لنا ده شغل بناخد ليه مقابل . نفس المبدأ  لما حضرتك لما تاخد بنتك او زوجتك لدكتور .


10- هل اكيد ان شاء الله ممكن استعادة البيانات في  كل الاحوال ؟

 . اعلى نسب نجاح عالميه  . خصوصا فى حالات الهدود والمشاكل المتعلقه بالاقراص الداخليه .  هى 74% . احنا بنحاول بقدر الامكان  .

وعشان ما نبقاش بنعمل لحضرتك البحر طحينه لازم حضرتك تعرف  انه فيه

حالات لا يمكن فيها استعادة البيانات زى الموضوع ده ‹  هنــــــــا

اشهر حاله بيبقى احتمالات استعاده الداتا فيها صعبه هى الحالات المنطقيه اللى فيها اتحط داتا مكان داتا . مثلا نزلت زيندوز مكان ويندوز

وعايز استعادة البيانات اللى كانت على الدستك توب تانى فده صعب

او لو  انت مصور و الكارت بيشيل معاك 100 صوره. صورتهم اول مره كلهم وفرمت.ثم صورت 60 صوره.ف نظريا ينفع ترجع 40 وعمليا 30 بس .

انما لو فى المره التانيه صورت زى الاولى 100 صوره ومليت الكارت تماما زى المره الاولى … فما ينفعش

حاول حضرتك بقدر الامكان ما تصعبش الامور .  ولما تحصل مشكله لا قدر الله .

خلى حد مختص يشوف الهارد او الفلاش او اى وسيط يهمك الدتا اللى عليه .

واعرف انه كتر المحاولات الخطأ بتقلل افرص النجاح  . او بتقضى عليها

تقدر حضرتك كمان  تشوف اراء عملائنا .  اللى اتعاملو معانا من هنا .

https://www.facebook.com/pg/alsafwapc/reviews


عموما حضرتك دايما .  ” احتفظ بنسخه احتاطيه من ملفاتك المهمه ”  . عشان ماتغامرش بالداتا بتاعتك


Notice: Undefined variable: post in /home/alsaf/domains/alsafwapc.net/public_html/wp-content/themes/alsafwapc/framework/functions/related.php on line 4 Notice: WP_Query was called with an argument that is deprecated since version 3.1.0! caller_get_posts is deprecated. Use ignore_sticky_posts instead. in /home/alsaf/domains/alsafwapc.net/public_html/wp-includes/functions.php on line 4657
22 تعليقات علي ”اسئله بنسمعها كتير بعد “عايز استعادة البيانات”
  1. اسمحولي بأضافه سؤال اخر _هل من الممكن استعاده بيانات تم محوها عن دون قصد من علي الpc منذ ما يقرب من عام علما بان الهارد سليم و انا شغال عليه حاليا

    • لو حضرتك حطيت داتا تانى مكان الداتا اللى اتمسحت فالامر صعب
      مثلا حضرتك مسحت داتا حجمها 500 جيجا . وحطيت داتا حجمها 300 جيجا . كل اللى ينفع يرجع الان تقريبا 200 جيجا

        • فيه برامج كتير اكيد.حضرتك ممكن تعمل بحث فى جوجل .لكن بالنسبالنا بنستخدم اجهزه ريكفرى .

  2. لو سمحت ارجو المساعدة عندى هارد تاره ونصف من 2011 و جاب ميديا لفيت عليه مراكز صيانه وعلى الهارد صور وبيانات مهمه جداً انا لا اريد الهارد ولكن اريد الداتا الموجوده على الهارد نوع الهارد سامسونج ارجو المساعده ولكم جزيل الشكر

  3. لو سمحت أنا عندي هارد من 2005 hitachi كان حصل ان الجوان بتاعه اتقطه بمسمار و دخله تراب
    و أرسلت لشركة اسمها Ontrak Data Recovery في اليابان و موصولش لحاجة
    هل التكنولوجيا اتطورت دلوقتي و نقدر نعمله حاجة؟

  4. لو سمحت عندي فلاش ميموري تلف وعليه بيانات غاية فالاهمية والخصوصية
    هل يمكن استرجاع البيانات منه !!

  5. عندي هارد عملت دليل لي البرتشان وفي ملفات مهما عليه بس مقسمتش الهارد تاني هل ممكن اعمل استرجاع

  6. موضوع الخصوصية دة بالنسبة لى مشكلة كبيرة خصوصا اني مسحت صور خاصة بالاسرة بدون قصد و من فترة تقريبا أكتر من سنة ونصف من على فلاشة

  7. أنا من اسكندرية و عايز ابعتلكم الهارد بتاعى فممكن رقم شركة التوصيل و ممكن و لما ترجعوا الداتا إن شاء الله حد من طرفكم يوصلى الهارد او لو بتثقوا فى شركة الشحن حد منهم يرجعلى الهارد و لو ينفع ابعت معاه ثمن الشغل لأن صعب عليا السفر , و شكرا

  8. طيب بالنسبه لو عندى ميمورى كارد بتاعة موبايل وحصل فيها مشكله ومش بتفتح على الموبايل ولا على الكمبيوتر بس لما عملتها اعداة تهيئة أكتر من مره اشتغلت ومحتطش عليها اى داتا من ساعة ما اتصلحت ,, وجربت عليها اكتر من برنامج لإعادة الملفات ومش بيرجعوا حاجه
    هل الصور والفيديوهات اللى كانت عليها اقدر اجيبها؟
    واحتمالية نجاح الموضوع قد ايه؟

    مع العلم انى عملتلها فورمات بنظام Fat
    وبنظام NTFS
    وهى شغالة طبيعى دلوقتى

  9. عندى هارد سامسونج 500 ج لا يقرء اى بيانات ولا اى شيء هل ينفع اصلاحه وبغض النظر عن الداتا الموجودة مش مهمة اوى هل ينفع الاصلاح

  10. عندى هارد واحد تيرا WD
    طفيت الجهاز ولما فتحته سمعت طقطقه ومحملش ولا فتح
    وبقى مش بيظهر على الجهاز أو اى جهاز غيره
    حتى لما بحطه جنب هارد تانى
    هل ممكن استعادة البيانات اللى عليه
    او اعادة تشغيله مرة أخرى لأظهار البيانات

    • السلام عليكم ورحمة الله وبركاته،
      السادة الأعضاء
      بعد التحية ،
      اولا : اود اقدم لكم تهنئة لما قرأته من تعليقات العملاء وما وصفونكم به من مهارات عالية ومكارم الأخلاق ،
      ثانيا : امتلك HD بمواصفات سارفقها عند اللزوم ، الحالة انه يحتاج controller والسؤال هل بتغييره سأجد البيانات طبيعى ام ان البيانات ممكن تتاثر بهذا التغيير ، برجاء الرد والتواصل عاجلا على البريد المذكور او تليفونيا 01117303675 ولكم الشكر مقدما

      المهندس/ عماد عبده

  11. انا عندي لاب وعملت للهاد تقسيم ينفع ارجع الداتا تاني من> حوتال 3 سنوات ومحملتش حاجه تاني علي الجهاز

  12. بعد استرجاع البيانات يتم الحفظ أولا على هارد خارجى ولا هارد نفس الجهاز لانبعد استعادة الملفات على هارد الجهاز كل الملفات لا تفتح

Your email address will not be published. Required fields are marked *

أسالنا