مشكله الويندوز مع GPT

مشكله الويندوز مع GPT

مشكله الويندوز مع GPT


مشكله بنشوفها كل يوم

خطأ شائع جدا بنشوفه يوميا كالآتي , العميل عنده ويندوز 10 او  8. وحب ينزل ويندوز تاني , اثناء اعداد الويندوز لما بتوصل لتحديد البارتشن  . تطلع رساله انه الهارد بتاعك GPT ومش قابل ينزل ويندوز إلا لما تشيل كل ال partitions وتحوله ل MBR. فتعمل كده وتنزل ويندوز فتتحذف كل الداتا. وللأسف ما ينفعش يرجع من الهارد اى داتا. لأن الويندوز ساعتها بيعمل overwrite .وبالتالى بتضيع كل الداتا الخاصه بك من على الهارد ديسك


الحل

1- قبل ما تنزل ويندوز دايما خد نسخه من ملفاتك المهمة
2- لو حصل و الويندوز سقط . وظهرتك رسالة انه الهارد GPT ولازم يتحول ل MBR وحضرتك بتحاول تنزل ويندوز جديد.فـ قبل اى حاجه خد الهارد على جهاز تانى ووصله وخد ملفاتك المهمة
3- هارد اللاب توب يمكن توصيله عادى جدا على الكمبيوتر العادي PC مثل الهارد بتاع الكمبيوتر العادي كابل البور نفسه وكابل الداتا نفسه . وصله على جهاز شغال وخد ملفاتك

سؤال :

هو ما ينفعش نحول الهارد من GPT ل MBR من غير ما نضيع الداتا

 جواب :

فيه برامج بتحول الهارد من GPT ل MBR كده بشرط انه عدد أقسام الهارد لا يزيد عن 4 .يعنى ممكن حضرتك تحذف ال 3 برتشنات اللى بيبقوا فى الأول اللي حجمهم صغير 100 ميجا والخ . وبعد كده تحول الهارد .وها يحافظ لك على الداتا . يعنى تاخد هارد اللاب مثلا توصله بجهاز الكمبيوتر العادي وتحول الهارد ل Mbr وترجعه ل اللاب توب و تنزل ويندوز عادى
ومرفق برنامج portable بيعمل كده . بيشتغل على طول مش محتاج تثبيت
حمله من هنا

https://drive.google.com/file/d/0By2UcSMCAGvtVDJZUFl6Mk9HSzA/view?usp=sharing

.كلمه السر للفك ثلاث مسافات

بس البرنامج مش للمستخدم العادى . لو حضرتك مش عارف كويس قوى انت بتعمل ايه بلاش تجرب فى حاجه عليها داتا مهمه .عشان كده مش ها اتكلم عنه

سؤال :

طب انا شفت كام فيديو عاليوتيوب بيحل مشكله ال GPT من الدوس وكده أثناء تثبيت الويندوز ؟

جواب :

المشكلة فى حلول التحويل ب DOS استخدام أمر Clean . وده بيمسح الهارد تماما ويؤدى إلى ضياع الداتا للأبد . وبعد كده بتحوله ل MBR
حلول اليوتيوب منها شغالة فعلا وحلول لا . . والغلطة ها تخسرك الداتا نهائيا . ومش ممكن ترجع . لو الداتا بتاعتك مهمة … ما تغامرش

ملحوظة :

فيه نسخ ويندوز بتدعم ال GPT . لكن لو لم تتوفر لك فكن على حذر

 

* نصيحة أخيره لا تحتفظ بأي داتا مهمة على سطح المكتب ولا على ال C ًعموما



Your email address will not be published. Required fields are marked *

أسالنا