اسئله بنسمعها كتير بعد “عايز استعادة الملفات”

اسئله بنسمعها كتير بعد “عايز استعادة الملفات”

اسئله بنسمعها كتير بعد “عايز استعادة الملفات”


كتير جدا من العملاء لما بيحصل له اى مشكله فى الهارد ديسك. او الموبايل بتاعه وعايز  الداتا بتاعته ترجع. ولان موضوع استعادة الملفات جديد على معظم المستخدمين.فبيسأل الاسئله دى بعد ما بيقول انا عايز استعادة الملفات بتاعتى .

1- ممكن اعرف الهارد بتاعى ها يتكلف كام ؟

ما نقدرش نحدد التكلفة بالضبط إلا بعد الفحص . والحد الأدنى لتكلفه استعادة الملفات 250 جنيه . يعنى الرقم بيكون مبدأيا  اكتر من  250 جنيه .

2- ليه غالى كده ؟

لان أجهزه الداتا ريكفرى تمنها غالى. وبحتاج تحديث سنوى. ولأنه بياخد وقت طويل . ممكن هارد يأخذ شهر متواصل على الجهاز.

على حسب الوقت وقطع الغيار بيتم تحديد التكلفة . وهل حد حاول قبلنا ولا لاء . لان كتر المحاولات بتصعب الأمور. انت اللى بتقرر قيمه الداتا بتاعتك . فلو عايز الداتا ما تغامرش . روح لمختص بس بالداتا ريكفرى .

3- طب الحد الأقصى كام ؟

الحد الأقصى  فى استرجاع الملفات بتوقف على . الوقت وقطع الغيار . مثلا في حاله ان الهارد تالف هدود  . الهارد واقع مثلا او مخبوط . او بعمل صوت زى انه يتكتك مثلا .

ساعتها التكلفة بتبدأ من 1500 بحد ادنى + ثمن  الدونور .وده ” اللى هو الهارد اللى زى بتاع حضرتك اللى بنجيبه عشان  ننقل منه الهدود لهاردك .مش عشان نصلح الهارد .لا عشان نقدر نطلع الداتا .”.

-ولو الهارد كان اتفك قبل ما يجيلنا فبتكون تكلفه الدونور على حضرتك سواء نجحنا  فى استعادة الملفات ام لا

وعموما حضرتك ما بتدفعش حاجه على التشخيص . يعنى أولا بيتم الفحص . وبنرد  لحضرتك بالتشخيص خلال 48 ساعه . وبنقول لحضرتك ها يكلفك  كذا .لو  مش موافق ما بتدفعش أي رسوم للفحص  .

4-انتو مكانكم بعيد خالص ؟

ممكن حضرتك تبعت لنا الهارد بتاعك مع اى شركه شحن .  زي شركه ميدل ايست . فيدكس  الخ. اى شركه شحن قريبه لمكان حضرتك .  بياخدو منك حوالى 40 -70   جنيه تقريبا ويجيبولنا الهارد .

*المفروض بس حضرتك تحط الهارد فى كرتونه صغيره ويتلف بفوم او اكياس مفضضه عشان الشحن . كأمان للهارد ديسك.

*بتديهم بس رقم التلفون 01000244770 وهما عارفين العنوان . او عنوانا اللى موجود فالصفحه  هنــــــا . ده لما يبقى المشوار بعيد عليك .

*وبتبعت مع الشحن نفس قيمه الشحن اللى دفعتها .عشان نبقى نشحنه ليك تانى سواء اتعمل او لا . أو حضرتك تشرفنا بنفسك  .

*ونرجوك ما تبعتلناش شحن غير لما تكلمنا الاول ونعرف منك التفاصيل عن اللى حضرتك ها تبعته لنا  .  واتأكد انه اتلف كويس واتحط فى كرتونه  وشركه الشحن كتبت عليه ((( قابل للكسر ))))

عموما حضرتك لو حسبتها . الزقازيق من موقف عبود .  او موقف العاشر بالسلام اقل من ساعه . فيه مشاوير كتير جوا القاهره بتاخد وقت اطول من كده بكتير .

5-ممكن اصلح الهارد وفى نفس الوقت نحافظ على الداتا اللي عليه ؟

حضرتك اختار طريق من الاثنين . لانهم لا يتقاطعوا في نقط كتير . فلو حضرتك عايز استعادة الملفات .  والداتا بتاعتك مهمه بالنسبالك . ما تفكرش فالتصليح . إلا بعد ما تأخذ الداتا بتاعتك الأول.

6- بتستخدموا برامج أيه ؟

ما بنستخدمش برامج . نستخدم مجموعه أجهزه فى استعادة الملفات . منها جهاز اسمه . pc3000 الخ…

7- انا وديت الهارد لواحد واتنين وفكوه. هل تقدرو ترجعولى الداتا منه ؟

الهارد المفروض يتفك في مكان خاص . اسمه كلين روم  Clean Room مش في الغرفة العادية.

وكل محاوله من غير المتخصص فى الموضوع بتصعب الأمور.  وبالتالي بتزود التكلفة.

كمان بتقليل فرصه استعادة الملفات  . او استرجاع الملفات الخاصه بك.

8- بالنسبه لخصوصيه الداتا بتاعتى عشان عليه صور عائليه .  وحسابات والخ . اضمن أزاي ان ما حدش يشوفها ؟

اولاً :احنا عشان بنشتغل بأجهزة ريكفرى مش ببرامج . فإحنا بنعمل الملفات بتاعه حضرتك

. او الهارد كله ك ملف ايمدج image file .ونطلع الداتا من ملف الايمدج ده مره واحده وحضرتك موجود لو حبيت. ده لو  حضرتك قلقان من موضوع الخصوصية

ثانياً :الداتا تخص حضرتك بس . واحنا بنشتغل في الداتا ريكفرى من 2004 . يهمنا سمعتنا اكتر ما تهمك الداتا بتاعتك  .

ثالثاً :ايا كانت اهميه الداتا لحضرتك فهى مهمه لحضرتك بس . وبالنسبة لنا ده شغل بناخد ليه مقابل . نفس المبدأ  لما حضرتك لما تاخد بنتك او زوجتك لدكتور .

9- اكيد ان شاء الله بترجعو الداتا فى كل الاحوال ؟

اعلى نسب نجاح عالميه خصوصا فى حالات الهدود والمشاكل المتعلقه بالاقراص الداخليه هى 74% .بنحاول بقدر الامكان ولكن لازم حضرتك تعرف انه فيه حالات لا يمكن فيها استعاده البيانات زى الموضوع ده ‹  هنــــــــا

حاول حضرتك بقدر الامكان ما تصعبش الامور ولما تحصل مشكله لا قدر الله . خلى حد مختص يشوف الهارد او الفلاش او اى وسيط يهمك الدتا اللى عليه . واعرف انه كتر المحاولات الخطأ بتقلل افرص النجاح او بتقضى عليها

تقدر حضرتك كمان  تشوف اراء عملائنا .  اللى اتعاملو معانا من هنا .

https://www.facebook.com/pg/alsafwapc/reviews


عموما حضرتك دايما .  ” احتفظ بنسخه احتاطيه من ملفاتك المهمه ”  . عشان ماتغامرش بالداتا بتاعتك



19 تعليقات علي ”اسئله بنسمعها كتير بعد “عايز استعادة الملفات”
  1. اسمحولي بأضافه سؤال اخر _هل من الممكن استعاده بيانات تم محوها عن دون قصد من علي الpc منذ ما يقرب من عام علما بان الهارد سليم و انا شغال عليه حاليا

    • لو حضرتك حطيت داتا تانى مكان الداتا اللى اتمسحت فالامر صعب
      مثلا حضرتك مسحت داتا حجمها 500 جيجا . وحطيت داتا حجمها 300 جيجا . كل اللى ينفع يرجع الان تقريبا 200 جيجا

        • فيه برامج كتير اكيد.حضرتك ممكن تعمل بحث فى جوجل .لكن بالنسبالنا بنستخدم اجهزه ريكفرى .

  2. لو سمحت ارجو المساعدة عندى هارد تاره ونصف من 2011 و جاب ميديا لفيت عليه مراكز صيانه وعلى الهارد صور وبيانات مهمه جداً انا لا اريد الهارد ولكن اريد الداتا الموجوده على الهارد نوع الهارد سامسونج ارجو المساعده ولكم جزيل الشكر

  3. لو سمحت أنا عندي هارد من 2005 hitachi كان حصل ان الجوان بتاعه اتقطه بمسمار و دخله تراب
    و أرسلت لشركة اسمها Ontrak Data Recovery في اليابان و موصولش لحاجة
    هل التكنولوجيا اتطورت دلوقتي و نقدر نعمله حاجة؟

  4. لو سمحت عندي فلاش ميموري تلف وعليه بيانات غاية فالاهمية والخصوصية
    هل يمكن استرجاع البيانات منه !!

  5. عندي هارد عملت دليل لي البرتشان وفي ملفات مهما عليه بس مقسمتش الهارد تاني هل ممكن اعمل استرجاع

  6. موضوع الخصوصية دة بالنسبة لى مشكلة كبيرة خصوصا اني مسحت صور خاصة بالاسرة بدون قصد و من فترة تقريبا أكتر من سنة ونصف من على فلاشة

  7. أنا من اسكندرية و عايز ابعتلكم الهارد بتاعى فممكن رقم شركة التوصيل و ممكن و لما ترجعوا الداتا إن شاء الله حد من طرفكم يوصلى الهارد او لو بتثقوا فى شركة الشحن حد منهم يرجعلى الهارد و لو ينفع ابعت معاه ثمن الشغل لأن صعب عليا السفر , و شكرا

  8. طيب بالنسبه لو عندى ميمورى كارد بتاعة موبايل وحصل فيها مشكله ومش بتفتح على الموبايل ولا على الكمبيوتر بس لما عملتها اعداة تهيئة أكتر من مره اشتغلت ومحتطش عليها اى داتا من ساعة ما اتصلحت ,, وجربت عليها اكتر من برنامج لإعادة الملفات ومش بيرجعوا حاجه
    هل الصور والفيديوهات اللى كانت عليها اقدر اجيبها؟
    واحتمالية نجاح الموضوع قد ايه؟

    مع العلم انى عملتلها فورمات بنظام Fat
    وبنظام NTFS
    وهى شغالة طبيعى دلوقتى

  9. عندى هارد سامسونج 500 ج لا يقرء اى بيانات ولا اى شيء هل ينفع اصلاحه وبغض النظر عن الداتا الموجودة مش مهمة اوى هل ينفع الاصلاح

  10. عندى هارد واحد تيرا WD
    طفيت الجهاز ولما فتحته سمعت طقطقه ومحملش ولا فتح
    وبقى مش بيظهر على الجهاز أو اى جهاز غيره
    حتى لما بحطه جنب هارد تانى
    هل ممكن استعادة البيانات اللى عليه
    او اعادة تشغيله مرة أخرى لأظهار البيانات

  11. انا عندي لاب وعملت للهاد تقسيم ينفع ارجع الداتا تاني من> حوتال 3 سنوات ومحملتش حاجه تاني علي الجهاز

Your email address will not be published. Required fields are marked *

أسالنا