انواع الهاردات الويسترن

انواع الهاردات الويسترن

انواع الهاردات الويسترن


الفرق بين انواع الهاردات الويسترن . وألوانها

شركه ويسترن بتنتج 6 عائلات من الهاردات .دى انواع الهاردات الويسترن حتى اليوم ب 6 الوان مختلفه .ده بخلاف الهاردات المحموله. تعالى نشوفهم مع بعض عشان نقرر هانستخدم ايه ؟

 

1- الأخضر Green

منه نوعين الأخضر الصريح كل الاستيكر اخضر أوgreen power  . يبقى الاستيكر ابيض وفيه جزء اخضر من تحت .

الاستخدام

يستخدم كمساحه تخزينه فقط

ليه ؟

صوته ناعم جدا . المفروض مستقر كهربيا .اقل الأنواع في الأداء . أنا شخصيا ما بحبوش . والحمد لله ما بقتش ويسترن تنتجه

 

1- الأزرق  Blue

أكثر أنواع الهاردات الويسترن انتشارا .

الاستخدام

يفضل للكمبيوتر الشخصي  كتخزين وكنظام تشغيل

ليه؟

أداء كويس . صوته مش عالي . ما بيسخنش . سعره مناسب . درجه تحمل معقولة

3- الأسود  Black

الكعب العالي فى الأجهزة الشخصية . النوع ده من  انواع الهاردات الويسترن الأغلى فى الاستخدام الشخصى

الاستخدام

للأجهزة الشخصية عاليه الأداء و ال work stations  .

ليه ؟

هو الأفضل أداء وسرعه . الأعلى cache memory . . بس صوته اعلي شويه ويسخن

4- الأحمر Red

النوع ده من انواع الهاردات الويسترن بيجى نوعين .  Red  و Red Pro وده مصمم  للستورج . اللى هى وحدات التخزين . هو اسمه NAS storage  .

الاستخدام

في وحدات التخزين الخاصة بالشبكات

ليه ؟

لأنه كأداء  أفضل في القراءة منه في الكتابة .  عشان في الشبكات ممكن اكتر من مستخدم يقرا الملف الواحد

5- الموف Purple

النوع ده انواع الهاردات الويسترن . اللى بيستخدم فى اجهزه الدى فى ار الكاميرات

الاستخدام

في أجهزة تسجيل الكاميرات DVR

ليه ؟

لأنه ببساطه عكس الأحمر . اداء الكتابة فيه افصل من اداء القراءة . وهو المفروض يسجل طول الوقت 24/7 يعنى يكتب طول الوقت .

انواع الهاردات الويسترن

6- الذهبي Gold

من الاسم يعنى . الأغلى.الأكفأ .ما جربتوش شخصيا  . قدرات تحمل وأداء عجيبة كده

الاستخدام

فى Datacenter

*************************************************************************************************

السؤال الآن اشترى اى نوع انواع الهاردات الويسترن  ؟

المناسب لاستخدامك وما لكش دعوه بان الأحمر اغلي ولا إن  الموف شكله حلو .

كمبيوتر أو لاب توب  يبقى تجيب  الأزرق  . أو الأسود

كاميرات مراقبه يبقى تجيب البنفسجي . ستورج يبقى الأحمر . معاك فلوس كتير يبقى الذهبي  .

 

تقدر تعرف اكتر عن هاردات ويسترن من هنا

من هنا

للمزيد عن الهاردات المحموله من ويسترن

من هنا



Your email address will not be published. Required fields are marked *

أسالنا